Ռուսները հարվածել են Պեչենեգի ջրամբարի ամբարտակին. լիկվիդացվում են ջրամբարի մյուս անցումները (Քարտեզ)

Ռուսները հարվածել են Պեչենեգի ջրամբարի ամբարտակին: Լուրը հաստատել է Պեչենեգի ղեկավար Ալեքսանդր Գուսարովը` հայտնելով նաեւ, որ Պեչենեգի ջրամբարի ճանապարհին երթևեկությունը դադարեցվել է։ Սակայն սա իրականության մի մասն է:

Նախ, Պեչենեգի ջրամբարը սկսվում է Վոլչանսկի (Խարկովի մարզ) մատույցներից, իսկ հարավային թեւը, Պեչենեգի հատվածում, Խարկով եւ Կուպյանսկ քաղաքների մոտավորապես միջնամասին: Այսինքն, հենց այս ջրամբարի ամբարտակի վրայով էլ իրականացվում է Վելիկին Բուրլուկի ողջ մեծ տարածաշրջանի մատակարարումը:

Անցումներ կան նաեւ ջրամբարից ավելի ներքեւ, բայց շատ փոքր թողունակությամբ, նաեւ գտնվում են ռուսական մոտակա անօդաչուների խոցման գոտում:

Մինչ այս էլ ջրամբարի պատվարներին հարվածներ եղել են, սակայն ռուսական ուժերը դեռ խուսափում են դրա լիակատար ոչնչացումից: Իսկ ներկայիս խոցումները տեսանելի իմաստը հիմնականում պատվարով անցնող ճանապարհը անանցանելի դարձնելն է: Ու ոչ միայն դա:

Ամբարտակ եւ անցում կա նաեւ պատվարից ավելի վերեւ` Ստարի Սալտիվի մոտ: Հիմնական պատվարի հետ մեկտեղ այս մեկը եւս խոցվել է, եւ հենց դա է, որ ուկրաինական կողմը դեռ չի հաստատում:

Ստարի Սալտիվի պատվարի խոցումը կտրուկ մեծացնում է ջրի հոսքը ջրամբարի վերին հատվածից: Սա նշանակում է, որ արդեն հաջորդ հարվածի ժամանակ, որը, թերեւս, ծրագրված է X պահին, ջրի հոսքը կհասնի այն քանակությանը, որ Պեչենեգի հիմնական ամբարտակի գործարկումը կիովին կբացառվի: Նաեւ ուկրաինական կողմի ժամանակավոր պոնտոնային կամուրջները հազիվ թե գոյատեւեն:

Իմաստը, թերեւս, աչքի առաջ է: Ուկրաինական մասշտաբային հակահարձակումը Կուպյանսկում լիովին ձախողված է: Ռուսական ուժերը, լուրջ կորուստներ պատճառելով «մսային հարձակումներ» իրականացնող հակառակորդին, վերջին երկու օրերին անցել են հակահարձակման (Քարտեզ 2): Եվ, ինչպես ՌԴ նախագահն օրերս հայտարարեց, Կուպյանսկի հարցը կլուծվի առաջիկա օրերին, ինչը, թերեւս, բաց ակնարկ էր ներկա ռուսական հարձակումների մասին:

Հաջորդ հարվածը ռուսները կհասցնեն Կուպյանսկից դեպի հյուսիս արեւելք` հենց Պեչենեգի ուղղությամբ: Եվ եթե այդ պահին չլինեն ջրամբարի անցումները, ապա ուկրաինական բանակը կբախվի աղջ պատերազմական ժամանակաշրջանում ամենամեծ շրջապատման հետ` ողջ Վելիկին Բուրլուկի տարածաշրջանի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝