Ժամանակը հաշված է և ամեն ամիս կարող է բերել նոր գնաճ. Հայտնի տեղեկատվական անվտանգության մասնագետը զգուշացնում է

Հայտնի տեղեկատվական անվտանգության փորձագետ ԱՐՍԵՆ ԼԵՎՈՆՅԱՆԸ զգուշացնում է.

Վերջին ամիսներին համակարգչային շուկայում նկատվում է հետաքրքիր և միաժամանակ անհանգստացնող միտում RAM հիշողության գները սկսում են աճել,  իսկ դրա հիմնական պատճառը ոչ թե պարզ տնտեսական տատանումներն են այլ այն որ աշխարհում արտադրական հզորությունները աստիճանաբար տեղափոխվում են այլ ուղղությամբ․․ Արհեստական ինտելեկտի բումը դարձել է գլխավոր խանգարող գործոնը սովորական օգտատերերի համար քանի որ խոշոր ընկերությունները, որոնք տարիներ շարունակ արտադրել են DDR4 և DDR5 օպերատիվ հիշողություն, այժմ իրենց ուժերն ու ռեսուրսները կենտրոնացնում են AI սերվերների համար նախատեսված բարձր թողունակության հիշողության արտադրության վրա։

Արդյունքում ստացվում է, որ նախկինում առատ և մատչելի RAM-ը հիմա քիչ է արտադրվում և շուկայում առաջանում է պակասություն իսկ ամեն ինչ, ինչն ունի պակաս առաջարկ, անխուսափելիորեն թանկանում է։ Եթե մի քանի ամիս առաջ կարելի էր որոշակի ծավալի RAM գնել համեմատաբար ցածր գնով ապա այսօր նույն հզորությունն արդեն արժի ավելի և սպառողները սկսում են զգալ ճնշումը։ Այդ փոփոխությունը աստիճանաբար ազդում է նաև ամբողջ համակարգչային շուկայի վրա քանի որ RAM-ի արժեքը ուղղակիորեն մասնակցում է վերջնական սարքի գնին և կանխատեսումները ցույց են տալիս, որ համակարգիչների, հատկապես նոր սերնդի DDR5-ով լուծումների գները կտրուկ աճել են ու կարող են էլ ավելի բարձրանալ։

Այս իրավիճակը նոր է միայն արտաքինից իրականում տեխնոլոգիական աշխարհը միշտ շարժվել է դեպի առավել շահավետ ոլորտներ իսկ այսօր ամենաշահութաբեր շուկան արհեստական ինտելեկտն է այնտեղ շրջանառվող գումարները հսկայական են և արտադրողները ձգտում են բավարարել այդ պահանջը նույնիսկ եթե դրա պատճառով սովորական համակարգիչ օգտագործողները ստիպված են լինում վճարել ավելի շատ։ Շուկայում այսօր RAM-ը այլևս պարզապես բաղադրիչ չէ այն դարձել է ռազմավարական ռեսուրս AI-ի զարգացումը արագացնում է տեխնոլոգիական առաջընթացը բայց միաժամանակ բարձրացնում է արժեքները և դարձնում սովորական սարքավորում գնելը ավելի բարդ:

Եթե մոտ ապագայում պահը չմեղմվի և արտադրողները շարունակեն կենտրոնանալ AI սերվերների վրա կարող ենք տեսնել նույնիսկ ավելի մեծ թանկացում սա արդեն նկատվում է ոչ միայն RAM-ի այլև ամբողջ համակարգչային սարքավորումների գների վրա շուկայում առաջանում է նոր իրականություն և օգտատերերը ստիպված են հարմարվել դրան այսօր համակարգիչ հավաքելու կամ RAM ավելացնելու մասին մտածելիս պետք է զգուշանալ ժամանակը հաշված է և ամեն ամիս կարող է բերել նոր գնաճ։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝