Երմակը պատրաստվում է փախչել երկրից. Ուկրաինական ռեսուրսներ

Ըստ ուկրաինական ռեսուրսների, Երմակը պատրաստվում է փախչել երկրից:

Աղբյուրների պնդմամբ, նախագահի աշխատակազմի նախկին ղեկավարն այցելել է Արտաքին հետախուզության ծառայության կենտրոնական գրասենյակ և այնտեղ մնացել մոտ 45 րոպե։ Աղբյուրների փոխանցմամբ՝ Երմակի հեռանալուց հետո ԱՀԾ ղեկավար Օլեգ Իվաշչենկոն իր մոտ է կանչել աշխատակիցներին գաղտնագրող կեղծ փաստաթղթերով զբաղվող վարչության պետին։

ԱՀԾ-ի պետը, ըստ ուկրաինական աղբյուրների, համարվում է «100%-ով Երմակի մարդը», հավանաբար իր նշանակման շնորհիվ։ Աղբյուրները ենթադրում են, որ Երմակի համար կեղծ փաստաթղթերը (մի քանի, այդ թվում` այլ երկրների քաղաքացիության մասին) կարող են պատրաստվել սահմանի հնարավոր հատման եւ դրսում «անհետանալու» համար։

Մյուս կողղմից, եթե ուկրաինական ռեսուրսները կարծում են, որ Երմակը մինչ այս իրեն տարբեր փաստաթղթերով չէր ապահովել կամ եթե մտքով չէր անցել, ապա հիմա չէր կարող դա ոչ թե ԱՀԾ անձնական այցի (որ բոլորը տեսնեին) միջոցով, այլ ավելի ապահով մեթոդներով անել, ապա շատ միամիտ են: Բայց եթե ընդունենք, որ ներկայացվածն իրականություն է, ապա դա կնշանակի, որ Երմակն այն վիճակում է, որ ստիպված է նման ռիսկային քայլերի գնալ:

Չնայած, մինչ այդ Զելենսկին Երմակին հեռացրեց Ազգային անվտանգության և պաշտպանության խորհրդից և Գերագույն գլխավոր հրամանատարի շտաբից։ Դա կարող է Երմակի համար վերջին ազդակը դառնալ, որ Զելենսկին այլեւս չի կարող երաշխավորել նրա ազատությունը, այն է` «թռնելու» պահն է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝