Ցմահ ազատազրկում է սպառնում Ուրալի ադրբեջանական սփյուռքի նախկին առաջնորդին
Միջազգային
Ուրալում ադրբեջանական սփյուռքի նախկին առաջնորդ Շահին Շիխլինսկին կարող է դատապարտվել ցմահ ազատազրկման, հաղորդում է 66.RU-ն։
Շահին Շիխլինսկու նկատմամբ քրեական գործ է հարուցվել՝ իշխանության ներկայացուցչի նկատմամբ բռնություն գործադրելու և երկու սպանություն կազմակերպելու մասին հոդվածներով։ Քննությունը նրան համարում է ազգայնական խմբավորման ղեկավար, որի անդամները ներգրավված են եղել Սվերդլովսկի մարզում 2001-ից մինչև 2011 թվականներին տեղի ունեցած սպանությունների և մահափորձերի մեջ։
Հուլիսի կեսերին դատարանը կալանավորել է Մութվալիին։ Նա իրեն մեղավոր չի ճանաչել։ 66.RU-ի աղբյուրը պարզաբանել է, որ Մութվալի Շիխլինսկու մեղադրանքը խստացվել և վերաորակավորվել է ՌԴ Քրեական օրենսգրքի 318-րդ հոդվածի 1-ին մասից («Կյանքի կամ առողջության համար ոչ վտանգավոր բռնություն գործադրելը») դեպի ՌԴ ՔՕ 318-րդ հոդվածի 2-րդ մաս («Կյանքի կամ առողջության համար վտանգավոր բռնություն գործադրելը»)։ Ուժային գործողությանը մասնակցած հատուկ ջոկատայինի աշխատակիցը «բավականին երկար ժամանակ բուժում է անցնում»։ Այն հոդվածները, որոնցով մեղադրվում է Մութվալին, նախատեսում են մինչև 10 տարի ազատազրկման պատիժ։
Շահին Շիխլինսկին նույնպես իրեն մեղավոր չի ճանաչում։ Նա մեղադրվում է 2010 թվականին գործարար Ֆեհրուզ Շիրինովի սպանությունը կազմակերպելու մեջ, ով բացահայտ մեղադրում էր Շահին Շիխլինսկուն հանցավոր գործունեության մեջ։ Ըստ քննության վարկածի՝ Շիխլինսկու օգնական Էլման Սուլեյմանովը փորձել է գնդակահարել Շիրինովին, սակայն ատրճանակը խափանվել է և Շիրինովը իր որդու հետ միասին ձերբակալել է հանցագործին։ Սուլեյմանովը հրաժարվել է ցուցմունքներից՝ քննության և դատարանի ընթացքում։ Ադրբեջանական սփյուռքի նախկին ղեկավարին սպառնում է ցմահ ազատազրկում։
Հետաքննությունն ավարտվել է և գործը ուղարկվել է դատարան: Շուտով կսկսվի ներգրավված անձանց դատավարությունը:
Հոր և որդու հետ մեղադրյալի աթոռին հայտնվել են Աքիֆ, Այազ, Բաքիր, Քամալ, Մազահիր Սաֆարով եղբայրները, ինչպես նաև Ասկերա Ռաջաբովը։ Նրանց մեղադրանք է առաջադրվել սպանությունների և մահափորձերի համար։ 66.RU-ի աղբյուրի տվյալներով՝ մեղադրյալներից մեկը՝ Մազահիր Սաֆարովը, ցուցմունք է տվել և բացահայտել իր հանցակիցներին։ Մյուս մեղադրյալները հերքում են իրենց մեղքը։
Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք 
Բաքվի դատարանում շարունակվում է կեղծ դատավարությունը 
Ադրբեջանական բենզինը կվաճառի Խաչատուր Սուքիասյանին պատկանող ընկերությունը 
Քրիս Ջենները բացահայտել է, որ իր թոռը` Թեյթումը անսովոր կապ ունի իր նախկին ամուսնու հանգուցյալ Ռոբերտ Քարդաշյանի հետ 
Ադրբեջանի նախկին արտգործնախարար.Մեղրիով անցնող երկաթուղին Ադրբեջանի սեփականությունն է 
1
22820 դիտում
2
3526 դիտում
3
2926 դիտում
4
2569 դիտում
5
1597 դիտում
1
40598 դիտում
3
8965 դիտում
4
8125 դիտում
5
5024 դիտում
3
16728 դիտում
4
10520 դիտում
5
9901 դիտում
