ՌԴ-ԱՄՆ համագործակցության առանցքն իրոք Արկտիկայում հսկայածավալ բիզնեսն է. Ուկրաինան ընդամենը մանրադրամն է

ՀԱՄԱԳՈՐԾԱԿՑՈՒԹՅՈՒՆ ՊԱՏԵՐԱԶՄԻ ՓՈԽԱՐԵՆ. Ինչպես Կիրիլ Դմիտրիևը համոզեց ամերիկացիներին կնքել խաղաղության համաձայնագիր։ Նման տեսլականով է հանդես եկել The Wall Street Journal-ը:

Նոր խաղաղության ծրագրի շուրջ բանակցությունների ժամանակ Դմիտրիևն Ուիթկոֆին առաջարկեց ԱՄՆ-Ռուսաստան համագործակցություն Արկտիկայում և համատեղ առաքելություն դեպի Մարս, գրում է WSJ-ն:

Կուլիսներում տեղի ունեցած բանակցությունների ժամանակ, որոնց մասնակցում էր նաև Թրամփի փեսան՝ Ջարեդ Քուշները, Դմիտրիևը առաջնահերթություն տվեց բիզնեսին՝ ամերիկացիներին առաջարկելով ներդրումային արտոնություններ՝ կախված խաղաղությունից։

Մասնավորապես, առաջարկեց, որ օգտագործվեն նաեւ Ռուսաստանի Կենտրոնական բանկի սառեցված ակտիվները Եվրոպայում, որոնց արժեքը կազմում է մոտ 300 միլիարդ դոլար, ԱՄՆ-Ռուսաստան ներդրումային նախագծերի և Ուկրաինայի վերականգնման համար։

Ըստ Դմիտրիևի, ամերիկյան և ռուսական ընկերությունները կարող են միավորվել Արկտիկայում հանքային պաշարներ զարգացնելու համար։

Դմիտրիևը ամիսներ շարունակ պնդեց, որ ԱՄՆ-Ռուսաստան համատեղ նախագծերի բիզնես հնարավորությունները «սահմաններ չունեն»։ Մի պահ նա նույնիսկ առաջարկեց համատեղ առաքելություն դեպի Մարս՝ Էլոն Մասկի SpaceX-ի հետ։

Ըստ Wall Street Journal-ի՝ այս բանակցություններին զուգահեռ Գենադի Տիմչենկոն, Յուրի Կովալչուկը և Ռոտենբերգ եղբայրները ներկայացուցիչներ են ուղարկել ամերիկյան ընկերությունների հետ գաղտնի հանդիպումների՝ հազվագյուտ մետաղների և էներգետիկ ռեսուրսների վերաբերյալ գործարքներ քննարկելու համար։

Այս գաղտնի բանակցությունների ընթացքում Exxon Mobil-ի ավագ փոխնախագահ Նիլ Չապմանը հանդիպել է Ռոսնեֆտի գործադիր տնօրեն Իգոր Սեչինի հետ Դոհայում, Քաթար,՝ քննարկելու Exxon-ի վերադարձը Սախալինի խոշորամասշտաբ նախագծին, որի ներդրումները կասեցվել էին պատերազմի սկսվելուց ի վեր։

Իհարկե, WSJ-ն, ընդհանրական իմաստով, միանգամայն ռեալ սխեմա է նկարագրում: Մեկ «աննշան» շեղումով. այդ առաջարկն ամենեւին էլ Դմիտրիևինը չէ: Նա պարզապես արկտիկական բիզնեսի թեման, այդ թվում` Ալյասկայից` Ռուսաստան թունելի նախագիծը եւ Հյուսիսային ծովային երթուղու` Ռուսաստան-ԱՄՆ-Չինաստան ձեւաչափով հետակա շահագործման հարց համակարգված տարբերակով ներկայացրել է քննարկման: Իսկ իրականում Արկտիկայում համագործակցության գաղափարը նախագահական պոստը ստանձնելու ժամանակներում պաշտոնական օրկարգ է գերել Թրամփը: Այդ գաղափարի քննարկվել է Ալյասկայում Պուտին-Թրամփ հանդիպման ժամանակ, որտեղ էլ որոշել են դրա տալ ավելի դետալային տեսք եւ քննարկել: Ինչի մասին, ի դեպ, ժամանակին քանիցս խոսելու առիթներ ունեցել ենք:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝