Կաթողիկոսի հեռացման սցենարը գործի է դրվել. թեմերը ճնշման տակ են, իսկ Մայր Աթոռը լռում Է. ArmLur.am

ArmLur.am-ի տեղեկությունների համաձայն, այսօր կամ վաղը Հայաստանի քաղաքական ղեկավարության համար վճռորոշ կարող է դառնալ Ամենայն Հայոց Կաթողիկոս Գարեգին Երկրորդի ապագայի հարցը։ Նիկոլ Փաշինյանի իշխանությունը պատրաստվում է իր գծագրած սցենարը կյանքի կոչել՝ վերջնականապես Մայր Աթոռից հեռացնելով Գարեգին Երկրորդ Ամենայն Հայոց Կաթողիկոսին։ Այս մասին գրում  է ArmLur.am–ը։

ArmLur.am-ի աղբյուրները պնդում են, որ այդ հանդիպումների ընթացքում թեմերի առաջնորդներին ներկայացվում են զարգացումները, թե Կաթողիկոսի դարաշրջանն ավարտված է։

ՔՊ-ի սցենարը հետևյալն է․

• Գարեգին Բ Ամենայն Հայոց Կաթողիկոսը կարող է հայտնվել տնային կալանքի կամ որևէ կերպ արտաքին աշխարհից մեկուսացված կարգավիճակի մեջ,
• Եպիսկոպոսների մի մասի թիրախում հայտնված Արշակ Սրբազանը ենթադրվում է, որ կարող է կալանավորվել,
• Իսկ ժամեր կամ օրեր անց համացանցում կհայտնվի Գարեգին Երկրորդի նամակը, որով նա կհայտնի Կաթողիկոսի գահից իր հրաժարականի մասին։

Սրբազանները արդեն հանդիպեցին Նիկոլ Փաշինյանի հետ: Այս սցենարը, եթե իսկապես իրականացվի, ապա քաղաքական և հասարակական առումով կարող է դառնալ վերջին տասնամյակների ամենախորքային ճգնաժամերից մեկը պետություն–եկեղեցի հարաբերություններում։ Սակայն առավել հետաքրքիրն այն է, որ այս ընթացքում Մայր Աթոռը շարունակում է լռել. չգտանք որևէ մեկի, որը հերքի կամ հաստատի նոր ճնշումների մասին տեղեկությունները։

Միայն մի բան է հստակ․ առաջիկա օրերը կարող են դառնալ որոշիչ ոչ միայն Գարեգին Բ-ի, այլև ողջ Հայ Առաքելական Եկեղեցու ապագայի համար. Փաշինյանը քանդեց եկեղեցին ներսից՝ հոգևորականների ձեռքով»,–գրում է լրատվամիջոցը։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝