Ռուսներն ուկրաինական կողմի համար չափազանց վտանգավոր ճեղքում է իրականացրել Օսկոլի ուղղությամբ (Քարտեզ)

Ռուսական 144-րդ դիվիզիան ուկրաինական կողմի համար չափազանց վտանգավոր ճեղքում է իրականացրել Լիմանի հյուսիսում` Օսկոլի ուղղությամբ: 

Ռուսները ճեղքելով պաշտպանությունը, նկատելի առաջխաղացում են ունեցել Ալեքսանդրովկա-Կորովիյ Յարի հատվածում` դուրս գալով այդ բնակավայրի անմիջական մատույցներ: Ըստ որոշ աղբյուրների, ընթանում է մարտ Կորովիյ Յարի համար: Ամեն դեպքում, ռուսներն արդեն փակել են այդ բնակավայրից հարավ-արեւմտյան ուղղությամբ տանող մայրուղին` ճատատի տվյալ հատվածում ուկրաինական ուժերին զրկելով հիմնական մատակարարումների ուղուց: Բայց դա չէ ուկրաինացիների հիմնական խնդիրը:

Այսպես, Կորովիյ Յարը գրավելու դեպքում ռուսները սպառնում են հարձակումը զարգացնել Ռուբցի-Լազովոե ուղղությամբ: Դրանցից առաջինը Կորովիյ Յարից ընդամենը 2 կմ-ի վրա է: Այդ բնակավայրերից յուրաքանչյուրը գրավելով, ռուսական ուժերը դուրս կգան Օսկոլի ջրամբարի հարավային թեւ: Դա նախ, հարմար պլացդարմ է Օսկոլ-Իզյում ուղղությամբ հետագա հարվածի համար:

Բայց ամենագլխավորը. Օսկոլի ջրամբարի հյուսիսային թեւը ռուսական վերահսկողության տակ է: Եթե դուրս գան հարավային թեւ, ապա դա ջրամբարի արեւելքի մեծածավալ տիրույթի` Բորովայայի ուկրաինական խմբավորման համար նշանակում է ամբողջական շրջապատում: Հաշվի առնելով, որ ջրամբարի միակ` Բորովայայի կամուրջը ոչնչացված է: Իսկ փոքր լողամիջոցներով, որոնք լիովին կգտնվեն ռուսական անօդաչուների համար լիովին բաց տիրույթում, այդ հատվածի ուկրաինական ուժերին ապահովելը բացառվում է: 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝