Ուկրաինայի նախկին նախագահ Պետրո Պորոշենկոյի կուսակցությունն առաջարկել է Յուլիա Տիմոշենկոյին միավորվել՝ Ուկրաինայի կառավարության հրաժարականին հասնելու համար
Միջազգային
Ուկրաինայի նախկին նախագահ Պետրո Պորոշենկոյի «Եվրոպական համերաշխություն» կուսակցությունն առաջարկել է, որ Յուլիա Տիմոշենկոյի «Բատկիվշչինա» կուսակցությունը համատեղ ձգտի Ուկրաինայի կառավարության հրաժարականին: Համապատասխան հաղորդագրությունը հրապարակվել է կուսակցության թելեգրամյան ալիքում:
«Նախարարների կաբինետը դարձել է կոռումպացված խմբի գործիք, որը ոչնչացրել է պետական կառավարման համակարգը: Քաղաքական ճգնաժամի կարգավորման առաջին քայլը կոռումպացված, ոչ պրոֆեսիոնալ և վարկաբեկված կառավարության հրաժարականն է»,- հայտարարել է կուսակցությունը:
«Եվրոպական համերաշխություն» կուսակցությունը դիմել է նաև «Բատկիվշչինա» կուսակցության պատգամավորներին և դրա առաջնորդին՝ նրանց կոչ անելով համատեղ աշխատել խորհրդարանի դերը վերականգնելու համար: «Ժողովրդի ծառա» կուսակցությանն ուղղված իրենց ուղերձում նրանք ընդգծել են, որ նախագահ Զելենսկու հետ հանդիպումից հետո պարզ է, որ իշխանությունները չեն ծրագրում փոխելու երկրի կառավարման իրենց մոտեցումը, ուստի ժամանակն է, որ պատգամավորները որոշեն սեփական դիրքորոշումը: «Եվրոպական համերաշխություն» կուսակցության կարծիքով՝ այժմ հնարավորություն կա վերականգնելու Գերագույն Ռադայի անկախությունը և լուծարելու Նախարարների կաբինետը:
Հիշեցնենք, որ նոյեմբերի 10-ին Ազգային հակակոռուպցիոն բյուրոն և կոռուպցիայի դեմ պայքարի մասնագիտացված դատախազությունը հետաքննություն սկսեցին էներգետիկայի ոլորտում խոշոր կոռուպցիոն սխեմայի վերաբերյալ, որի համակարգողը Զելենսկու մտերիմ գործարար Թիմուր Մինդիչն էր։ Մինդիչը խուզարկություններից առաջ լքել էր Ուկրաինան և այժմ Իսրայելում է։ Կոռուպցիոն գործում հոլովվում են նաև նախկին փոխվարչապետ Ալեքսեյ Չերնիշովի և, ըստ լրատվամիջոցների տեղեկությունների, նախագահի աշխատակազմի ղեկավար Անդրեյ Երմակի անունները։
Հետաքննությունը քաղաքական ճգնաժամ է առաջացրել Գերագույն Ռադայում. «Եվրոպական համերաշխություն» և «Գոլոս» կուսակցությունները պահանջել են, որ Զելենսկին պաշտոնանկ անի Երմակին, լուծարի նախարարների կաբինետը և խորհրդարանական կոալիցիա կազմի ընդդիմության հետ։ «Բատկիվշչինա»-ի պատգամավորներից ոմանք աջակցել են այդ պահանջներին։
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել
Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել 
Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք 
Աստղագուշակ դեկտեմբերի 21-ի համար 
ՌԴ նախագահ Վլադիմիր Պուտինը կարևոր ազդանշան է հղել Արևմուտքին 
1
23430 դիտում
2
3575 դիտում
3
2569 դիտում
4
1677 դիտում
5
1546 դիտում
1
40693 դիտում
3
8965 դիտում
4
8133 դիտում
5
5024 դիտում
3
16816 դիտում
4
10520 դիտում
5
9901 դիտում
