ՖԻՖԱ-ի անունից Ջանի Ինֆանտինոն ցավակցել է Նիկիտա Սիմոնյանի մահվան կապակցությամբ
ՍպորտՖուտբոլի միջազգային ֆեդերացիայի նախագահ Ջանի Ինֆանտինոն ցավակցել է լեգենդար խորհրդային ֆուտբոլիստ եւ մարզիչ, օլիմպիական չեմպիոն Նիկիտա Սիմոնյանի մահվան կապակցությամբ։ Նա գրառում է արել Ինստագրամում՝ հրապարակելով լուսանկարներ Նիկիտա Սիմոնյանի հետ։
«Ցավով տեղեկացա, որ 99 տարեկանում մահացել է Նիկիտա Սիմոնյանը՝ նախկին Խորհրդային Միության հավաքականի ավագը, որն իր հավաքականին դուրս բերեց իր երկրի պատմության մեջ առաջին Աշխարհի գավաթ, նաև խփեց իր երկրի առաջին գոլը եզրափակիչ մրցաշարում։
Նա 1956 թվականի Օլիմպիական խաղերում ոսկե մեդալ նվաճած թիմի վերջին խաղացողն էր, կյանքի մեծ մասը նվիրել է ֆուտբոլին։
ՖԻՖԱ-ի բոլոր աշխատակիցների և համաշխարհային ֆուտբոլային ընտանիքի անունից ցավակցում եմ նրա ընտանիքին, ընկերներին և բոլոր նրանց, ովքեր ճանաչել ու աշխատել են նրա հետ»,- գրել է Ինֆանտինոն։
Նիկիտա Սիմոնյանին հրաժեշտ կտան նոյեմբերի 27-ին «Սպարտակի» ստադիոնում։
Հավանեցի՞ր հոդվածը, կիսվիր ընկերներիդ հետ՝
