ԻՐԱԿԱՆՈՒՄ ՈՒՐ Է ՏԱՆՈՒՄ ԹՐԱՄՓԻ ՍՈՎՈՐԱԿԱՆ ԴԱՐՁԱԾ ԿՐԿՆԱԿԻ ԽԱՂԸ

Այս փու­լում հնա­րա­վոր կլի­նի հաս­նել ուկ­րաի­նա­կան պա­տե­րազ­մի ա­վար­տին (Տես նաեւ https://iravunk.com/?p=328520&l=am), թե՝ ոչ, դեռ կտես­նենք: Բայց այն գոր­ծըն­թաց­նե­րը, ո­րոնք ներ­կա­յումս ծա­վալ­վում են, ե­կան հեր­թա­կան ան­գամ հու­շե­լու, որ հիմ­նա­կան հարցն ա­մե­նե­ւին էլ ուկ­րաի­նա­կան պա­տե­րազմն ա­վարտ­վել-չա­վարտ­վե­լը չէ: Ըն­թա­նում է շատ ա­վե­լի խոր­քա­յին գոր­ծըն­թաց, ին­չը տե­սա­նե­լի էր` սկսած Ալ­յաս­կա­յում Պու­տի­նի եւ Թ­րամ­փի հան­դի­պու­մից: Ըստ այդ ուկ­րաի­նա­կան պա­տե­րազ­մի` այս նոր «Թ­րամ­փի ծրա­գի­րը», ո­րը, ի վեր­ջո, կհան­գեց­նի ոչ թե ըն­դա­մե­նը այդ հա­կա­մար­տութ­յան ա­վար­տին, այլ նաեւ կտա հար­ցի պա­տաս­խա­նը՝ թե ուր են գնում ռուս-ա­մե­րիկ­յան հա­րա­բե­րութ­յուն­նե­րը: Իսկ ա­մե­նագ­լո­բալ ի­մաս­տով՝ դա կա­րող է շրջա­դար­ձա­յին կետ լի­նել կա­յուն հա­մաշ­խար­հա­յին կար­գի հաս­տատ­ման հար­ցում։

Թ­րամ­փը, ի­հար­կե, դեռ դե­րի մեջ է՝ մի կող­մից հայ­տա­րա­րե­լով, թե կեց­ցե Ռու­սաս­տա­նը, ակ­տի­վո­րեն աշ­խա­տում է խա­ղա­ղութ­յան հաս­նե­լու հա­մար: Ու ան­մի­ջա­պես էլ հի­շում է, որ «հիաս­թափ­վել է Պու­տի­նից»: Ու այս ար­դեն սո­վո­րա­կան դար­ձած «կրկնա­կի խա­ղը» ուր է տա­նում…

Ա­մեն դեպ­քում, այս նոր «Թ­րամ­փի ծրագ­րի» հետ կապ­ված, շրջա­նառ­վում են այն խո­սակ­ցութ­յուն­նե­րը, որ այն մշակ­վել է եւ հա­մա­ձայ­նեց­վել Ո­ւիտ­կո­ֆի եւ ուկ­րաի­նա­կան ուղ­ղութ­յամբ Պու­տի­նի ներ­կա­յա­ցու­ցիչ Դ­միտ­րիե­ւի բա­նակ­ցութ­յուն­նե­րի արդ­յուն­քում: Ու չմո­ռա­նանք, որ վեր­ջերս Դ­միտ­րիե­ւը տե­ւա­կան ժա­մա­նակ ԱՄՆ-ում էր: Ընդ ո­րում, ինչ­պես պնդում են ա­րեւմտ­յան աղբ­յուր­նե­րը, ԱՄՆ-ում Դ­միտ­րի­եւի մի շարք փակ հան­դի­պում­նե­րում քննարկ­վել է ոչ միայն 28 կե­տից բաղ­կա­ցած ծրա­գի­րը, այլ նաեւ Մոսկ­վա­յի ու Վա­շինգ­տո­նի միջեւ հա­րա­բե­րութ­յուն­նե­րի վե­րա­գոր­ծարկ­մա­ն գերխն­դի­րը: Ու դա­տե­լով նրա­նից, որ ուկ­րաի­նա­կան 28 կե­տա­նոց հա­մա­ձայ­նա­գի­րը հայտն­վեց շրջա­նա­ռութ­յան մեջ, են­թադ­րե­լի է, որ գո­նե հիմ­նադ­րույթ­նե­րի տես­քով հա­մա­ձայ­նեց­ված է նաեւ ռուս-ա­մե­րիկ­յան հե­տա­գա հա­րա­բե­րութ­յուն­նե­րի հար­ցը:

­Թե այդ ա­պա­գա հա­րա­բե­րութ­յուն­նե­րի տակ ինչ դե­տալ­ներ են դրված, ի­հար­կե, այս պա­հին հնա­րա­վոր է միայն ընդ­հան­րա­կան են­թադ­րութ­յուն­ներ հայտ­նել: Սա­կայն ո­րո­շա­կի նյո­ւանս­ներ այս պա­հին էլ են նկա­տե­լի: Նախ ֆիք­սենք փաս­տը, որ ողջ գոր­ծըն­թա­ցը շրջան­ցում էր ոչ միայն Ուկ­րաի­նա­յին, այլ նաեւ՝ Եվ­րո­պա­յին: Ու դա ար­դեն իսկ ցու­ցիչ է, որ ինչ­պես Վա­շինգ­տո­նը, այն­պես էլ Մոսկ­վան Եվ­րո­պա­յին չեն տես­նում, որ­պես գլո­բալ մա­կար­դա­կում ո­րո­շում կա­յաց­նող կենտրոն, գոր­ծոն: Եվ­րո­պան, ի­հար­կե, մնում է ա­մե­րիկ­յան աշ­խար­հա­քա­ղա­քա­կան ազ­դե­ցութ­յան գո­տում: Ա­սենք, այդ մա­սին են ակ­նար­կում նաեւ այն լու­րե­րը, որ ԱՄՆ-ն պատ­րաս­տվում է ձեռք բե­րել ինչ­պես «Հ­յու­սի­սա­յին հոսքի» գա­զա­մու­ղնե­րը, այն­պես էլ  Ուկ­րաի­նա­յով անց­նող է­ներ­գե­տիկ գծե­րը՝ դառ­նա­լով ռու­սա­կան է­ներ­գա­կիր­նե­րը գնող-եվ­րո­պա­ցի­նե­րին վա­ճա­ռող միջ­նորդ: Ըստ այդմ էլ` է­ներ­գե­տի­կա­յի մի­ջո­ցով հսկո­ղութ­յան տակ պա­հե­լով եվ­րո­պա­կան ողջ տնտե­սութ­յու­նը:

Այս հա­մա­տեքս­տում, չմո­ռա­նանք նաեւ Ալ­յաս­կա­յից Ռու­սաս­տան ստորջր­յա թու­նե­լի ծրագ­րի եւ ռու­սա­կան «Հ­յու­սի­սա­յին ծո­վա­յին ու­ղի» ծրագ­րում ա­մե­րի­կա­ցի­նե­րի ներգ­րավ­վա­ծութ­յան մա­սին խո­սակ­ցութ­յուն­նե­րը (այդ թվում, որ ԱՄՆ այ­ցե­լե­լով, Դ­միտ­րիե­ւը հայտ­նեց թու­նե­լի ծրագ­րի հար­ցով սկսված նախ­նա­կան աշ­խա­տանք­նե­րի մա­սին): Այ­սինքն, ա­մե­րի­կա­ցի­նե­րը ցան­կա­նում են ի­րենց բա­ժինն ու­նե­նալ Չի­նաս­տան-Եվ­րո­պա ա­ռեւտ­րա­յին հա­րա­բե­րութ­յուն­նե­րում, ո­րը նո­րից Եվ­րո­պա­յին վե­րահս­կե­լու մի­ջոց է:

Գ­լո­բա­լիստ­նե­րը, ի­հար­կե, փոր­ձում են «խա­ղա­քա­րե­րը խառ­նել»: Բայց այն, որ ե­րեկ Թ­րամ­փը ստո­րագ­րեց Էպշ­տեյ­նի գոր­ծը գաղտ­նա­զեր­ծող օ­րեն­քը», նշա­նա­կում է, որ նա սկսում է գլո­բա­լիստ­նե­րի ուղ­ղութ­յամբ հա­կա­հար­ձա­կու­մը, հա­մե­նայն­դեպս՝ նրանց  զրկում  է իր վրա ազ­դե­լու էա­կան գոր­ծոն­նե­րից մե­կին:

Եվ­րո­պա­յից զատ, ռուս-ա­մե­րիկ­յան հա­րա­բե­րութ­յու­նն­երի ա­ռանց­քա­յին ուղ­ղութ­յու­նն­երից է Մեր­ձա­վոր Ա­րե­ւել­քը: Թե­րեւս շատ ա­վե­լի էա­կան, քան ան­գամ Ուկ­րաի­նան: Այս ուղ­ղութ­յամբ մի կող­մից՝ Մոսկ­վան ան­գամ ԱՄԿ ԱԽ մա­կար­դա­կով չխոչըն­դո­տեց, որ Գա­զա­յում Թ­րամ­փի ծրա­գի­րը մտնի օ­րա­կարգ: Մ­յուս կող­մից, հե­տե­ւո­ղա­կա­նո­րեն զար­գա­նում են ռուս-ի­րա­նա­կան հա­րա­բե­րութ­յուն­նե­րը, այդ թվում՝ ռազ­մա­կան ուղ­ղութ­յամբ, մինչ­դեռ Թ­րամ­փը կտրուկ նվա­զեց­րել է Թեհ­րա­նի հան­դեպ ռազ­մա­տեն­չութ­յու­նը: Ու սա տա­նում է այն մտքին, որ Մեր­ձա­վոր Ա­րե­ւել­քի մա­սով եւս հստակ պայ­մա­նա­վոր­վա­ծութ­յու­ններ կան:

Ու ա­սել, թե այս ուղ­ղութ­յամբ պայ­մա­նա­վոր­վա­ծությ­ուն­նե­րը կշրջան­ցեն Ռու­սաս­տա­նից Ի­րան տա­նող լո­գիս­տիկ ու­ղի­նե­րը, այդ թվում՝ Հա­րա­վա­յին Կով­կա­սով անց­նող, դա եւս միամ­տութ­յուն կլի­ներ: Ի­հար­կե, այս­տեղ կա նաեւ Թուր­քիա­յի գոր­ծո­նը: Բայց սա ար­դեն այլ՝ ռուս-թուր­քա­կան հար­թութ­յու­նում գտնվող թե­մա է:

Ա­մեն դեպ­քում, Նի­կո­լի հան­կար­ծա­կի մեկ­նու­մը Ղա­զախս­տան, մի կող­մից, կա­րե­լի է թյուր­քա­կան աշ­խարհ այ­ցի տեղ ըն­դու­նել: Մ­յուս կող­մից, Տո­կաե­ւի վեր­ջին այ­ցը Մոսկ­վա եւ այն­տեղ ստո­րագր­ված փաս­տաթղ­թե­րը ռուս-ղա­զա­խա­կան ռազ­մա­վա­րա­կան գոր­ծըն­կե­րութ­յան մա­սին, Նի­կո­լի այս այ­ցին կա­րող է միան­գա­մայն այլ ե­րանգ տալ. դեռ սպա­սենք են­թադ­րութ­յու­ննե­րում:

Ա­մեն դեպ­քում, մեկ բան կար­ծես թե հաս­տատ է. ակն­հայ­տո­րեն վե­րին կու­լո­ւարնե­րում ըն­թա­ցող, կա­րե­լի է ա­սել՝ դա­րա­կազ­միկ քննար­կում­նե­րով պայ­մա­նա­վոր­ված, քա­ղա­քա­կան ան­դորրն ա­վարտ­վել է: Եվ միայն դա ար­դեն նշա­նա­կում է, որ ո­րո­շում­նե­րը կա­յաց­ված են, ու սկսվում են մեծ ի­րա­դար­ձութ­յուն­ներ՝ ուղղ­ված գլո­բալ մասշ­տաբ­նե­րով ռազ­մա­վա­րա­կան կա­յու­նութ­յան նոր շրջա­նա­կի ի հայտ գա­լուն:

Tes naeu https://t.me/iravunk/61115 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝