Հրապարակել են Թրամփի` ուկրաինական «խաղաղության ծրագրի» 28 կետերը

Ուկրաինացի պատգամավոր Գոնչարենկոն հրապարակել է Թրամփի խաղաղության ծրագրի 28 կետերը:

1. Ուկրաինայի անվտանգությունը և քաղաքական կարգավիճակը
➖ Ուկրաինայի ինքնիշխանության հաստատում։
➖ Ուկրաինան ԱՄՆ-ից ստանում է անվտանգության երաշխիքներ, բայց պայմաններով։
➖ Ուկրաինան Սահմանադրության մեջ ամրագրում է իր չեզոք կարգավիճակը և ՆԱՏՕ-ի մերժումը. ՆԱՏՕ-ն հաստատում է Ուկրաինայի մշտական ​​չանդամակցությունը։
➖ Ուկրաինայի զինված ուժերի թվաքանակը սահմանափակվում է։
➖ Ուկրաինան մնում է ոչ միջուկային պետություն։
2. Տարածքային հարցեր
➖ Ղրիմը, Դոնեցկը և Լուգանսկը դե ֆակտո ճանաչվում են որպես Ռուսաստանի տարածքներ։
➖ Խերսոնը և Զապորոժեն «սառեցվում» են շփման գծի երկայնքով։
➖ Տարածքի մի մասը դառնում է ապառազմականացված բուֆերային գոտի դե ֆակտո Ռուսաստանի վերահսկողության տակ։
➖ Երկու կողմերն էլ պարտավորվում են չփոխել սահմանները ուժով։

3. Ռազմական համաձայնագրեր
➖ ՆԱՏՕ-ն զորքեր չի տեղակայում Ուկրաինայում։
➖ ՆԱՏՕ-ի կործանիչներ են տեղակայվում Լեհաստանում։
➖ԱՄՆ-ՆԱՏՕ-Ռուսաստան անվտանգության երկխոսություն, ԱՄՆ-Ռուսաստան աշխատանքային խմբի ստեղծում։
➖Ռուսաստանը իրավաբանորեն ամրագրում է իր չհարձակման քաղաքականությունը Ուկրաինայի և Եվրոպայի նկատմամբ։
4. Տնտեսական բլոկ և Ուկրաինայի վերակառուցում
➖ԱՄՆ-ն և Եվրոպան մեկնարկում են Ուկրաինայի վերակառուցման համար նախատեսված խոշոր ներդրումային փաթեթ։
➖100 միլիարդ դոլարի սառեցված ռուսական ակտիվները կօգտագործվեն Ուկրաինայի վերակառուցման համար. ԱՄՆ-ն կստանա ստացված եկամուտների 50%-ը։
➖Եվրոպան ավելացնում է ևս 100 միլիարդ դոլար։
➖Այլ սառեցված ռուսական ակտիվները կուղղվեն ԱՄՆ-Ռուսաստան համատեղ նախագծերին։
➖Ուկրաինայի զարգացման հիմնադրամի ստեղծում, ներդրումներ ենթակառուցվածքների, ռեսուրսների և տեխնոլոգիաների մեջ։
5. Ռուսաստանը համաշխարհային համակարգում։
➖Պատժամիջոցների աստիճանական վերացում։
➖Ռուսաստանի վերադարձը Մեծ ութնյակ։
➖ԱՄՆ-Ռուսաստան երկարաժամկետ տնտեսական համագործակցություն։
6. Մարդասիրական հարցեր
➖Բոլորի դիմաց փոխանակումներ, քաղաքացիական անձանց և երեխաների վերադարձ։
➖Մարդասիրական ծրագրեր, ընտանիքների վերամիավորում։
➖Հանդուրժողականության վերաբերյալ կրթական ծրագրեր։
➖«Նացիստական ​​գաղափարախոսության» մերժում։
7. Էներգետիկա և հատուկ հարմարություններ
➖Զապորոժեի ԱԷԿ-ի գործարկումը ՄԱԳԱՏԷ-ի հսկողության ներքո, էլեկտրաէներգիան բաշխվում է 50/50 հարաբերակցությամբ Ուկրաինայի և Ռուսաստանի միջև։
➖ԱՄՆ-ն օգնում է վերականգնել Ուկրաինայի գազային ենթակառուցվածքները։
8. Ներքաղաքական գործընթացներ Ուկրաինայում
➖Ընտրություններ` համաձայնագրի ստորագրումից 100 օր անց։
➖Լիակատար համաներում բոլոր պատերազմի վետերանների համար։
9. Կիրառում և մոնիթորինգ
➖Համաձայնագիրը իրավաբանորեն պարտադիր է։
➖Մոնիտորինգն իրականացնում է Դոնալդ Թրամփի գլխավորությամբ գործող «Խաղաղության խորհուրդը»։
➖Խախտումների դեպքում կսահմանվեն՝ պատժամիջոցներ։
➖Ստորագրումից հետո՝ անհապաղ հրադադար և նահանջ համաձայնեցված դիրքեր։

Այստեղ, թերեւս, կան մի շարք կետեր, որոնք Մոսկվան հազիվ թե ընդունի: Այդ թվում, թե ինչպես է ԱՄՆ-ն փորձում վերաբաշխել Ռուսաստանին պատկանող սառեցված գումարները: Նաեւ, որ Թրամփն իրեն փորձում է վերապահել հետագա վերահսկիչի ֆունկցիա: Արդյունքում, այն տպավերությունն է, որ այս պատերազմի հիմնական հաղթողը հենց ԱՄՆ-ն է:

Բացի այդ, անհասկանալի է թվարկված չորս մարզերի մեջ չմտնող տարածքների ճակատագիրը, որոնք վերահսկում է ռուսական բանակը: Այն է` ռուսների վերահսկողության տակ է Խարկովի մարզի զգալի տարածքներ, եւ այդ թվում` հենց այս փաստաթղթի տարածմանը զոըգահեռ ՌԴ ԳՇ պետը հայտարարեց Կուպյանսկի ամբողջական ազատագրման մասին: Ռուսները վերահսկում են նաեւ որոշակի տարածքներ Դնեպրոպետրովսկի մարզում: Իսկ Զապորոժեում իրականացնում են հարձակում, որի, այսպես ասենք, ամենադժվար մասն անցել է, ու հիմա ռուսներն արագորեն առաջ են գնում: Այսինքն, պետք է հարձակումը կանգնեցնեն եւ գործնականում ձեռքներին գտնվող տարածքներից հրաժարվե՞ն. հարցեր կան:

Կան նաեւ դրույթներ, որոնք Կիեւի հետ կապված հարցեր են առաջացնում: Եթե լինելու են ընտրություններ` համաձայնագրի ստորագրումից 100 օր անց, նշանակո՞ւմ է, որ Կիեւը պետք է չեղարկի ներկայիս ռազմական դրությունը: Եթե Զելենսկին նման բան անի, հազիվ թե նա կարողանա մինչեւ ընտրություններ «ձգել»:

Իսկ ընդհանրական իմաստով, փաստացի այս ծրագրում ներառված են այն հիմնական կետերը, որոնք Մոսկվան ի սկզբանե առաջադրում էր:

Ամեն դեպքում, ամերիկյան կողմը հնարավոր է համարում այս ծրագրի քննարկումն ու որոշակի փոփոխությունները:

Տես նաեւ https://t.me/iravunk/61061 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝