Տնային կալանքի տակ գտնվողին սպանել ցանկացողին հայտնաբերեցին. հարցին խառնվել են «գողականներ».armlur.am
Հասարակություն
Սեպտեմբերի Երևանում փոխհրաձգություն էր տեղի ունեցել։ Հրազենային վնասվածքներ ստացած տղամարդը հիվանդանոցի ճանապարհին մահացել էր։
Armlur․am-ի տեղեկություններով, պարզվել էր, որ երկու անձ աստիճանը դրել էին Ռոստովյան 17 շենքի մուտքի մոտ և փորձել էին մտնել շենքի բնակիչներից մեկի տուն՝ սպանության փորձի համար տնային կալանքի տակ գտնվող Արման Ախոյանի բնակարան։
Իսկ ինչու՞ էին ցանկանում սպանել Ախոյանին
Ապրիլի 14-ին, ժամը 16:15-ին, Մուրացան փողոցում կրակոցներ էին հնչել։ «Ձախ ծնկահոդի վիրավորում» ախտորոշմամբ բուժօգնության էր դիմել Հրաչյա Ստեփանի Հախվերդյանը։ Ավելի ուշ պարզվել էր, որ Հախվերդյանին Ռոստովյան փողոցի 13-րդ հասցեի դիմաց հրազենային վնասվածք էր պատճառել Արմանը, որին սպանության փորձի համար մեղադրանք էր առաջադրվել, և խափանման միջոց էր ընտրվել տնային կալանքը։ Հինգ ամիս անց՝ վենդետա, Եվ ահա հինգ ամիս անց կրկին կրակոցներ են հնչում։ Գործով մեկ անձի մեղադրանք է առաջադրվում և խափանման միջոց ընտրվում տնային կալանքը։ Սակայն վիրավորում ստացած անձն ու նրա մտերիմ շրջապատը գոհ չեն մնում ՀՀ իրավապահ համակարգի գործողություններից և, չսպասելով քննության վերջնական որոշմանը, գնում են իրենց սպանել ցանկացող անձի հետ հաշիվ մաքրելու։ Ասել է թե՝ գործի էր դրվել վենդետան։
2 ամիս է ինչ իրավապահները փնտրում են տնային կալանքի տակ գտնվողին սպանել ցանկացողին, որը, երեկ ArmLur.am-ին հասած տեղեկություների համաձայն քրեական ոստիկանները հայտնաբերել են։
Դիմեցինք ՀՀ քննչական կոմիտե, որտեղից ի պատասխան հայտնեցին․ «Նախաձեռնված քրեական վարույթի նախաքննության ընթացքում փախուստի դիմած անձը հայտնաբերվել է։ Նրա նկատմամբ հանրային քրեական հետապնդում է հարուցվել Քրեական օրենսգրքի 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) , 44-155-րդ հոդվածի 2-րդ մասի 8-րդ կետով (սպանությունը՝ մի խումբ անձանց կողմից,) և 207-րդ հոդվածի 1-ին մասով (բնակարանի անձեռնմխելիությունը խախտելը)։ Վերջինս կալանավորվել է»։
Դուք զբաղված եք մարդկանց մոլորեցնելով, ոչ թե մտահոգ եք երկրի հզորացմամբ և խաղաղության հաստատմամբ 
Միքայել Սրբազանին դեռ չեն վիրահատել 
Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ 
«Սարխանի» լրտեսության գործի մանրամասները. «Սալամ, Թուրալ» 
Ջուլանիի նախկին թիկնապահը սպանել է ամերիկացի զինվորականների. Թրամփը տարօրինակ վիճակում է 
1
22095 դիտում
2
3482 դիտում
3
2915 դիտում
4
2569 դիտում
5
1893 դիտում
1
40502 դիտում
3
8965 դիտում
4
8125 դիտում
5
5024 դիտում
3
16636 դիտում
4
10520 դիտում
5
9901 դիտում
