ԻՆՉ ԵՆ ՌՈՏՇԻԼԴՆԵՐԸ ԾՐԱԳՐԵԼ ԱՇԽԱՐՀԻ ՀԱՄԱՐ ԳԱԼԻՔ ՏԱՐԻ

­Ռոտ­շիլդ­նե­րի խո­սա­փո­ղը՝ The Economist-ը, ներ­կա­յաց­րեց ար­դեն ա­վան­դա­կան դար­ձած կան­խա­տե­սում­նե­րը գա­լիք տա­րի աշ­խար­հում սպաս­վող հիմ­նա­կան ի­րա­դար­ձութ­յուն­նե­րի մա­սին: Այլ կերպ ա­սած՝ գլո­բա­լիստ­նե­րի` 2026 թվա­կա­նի «կան­խա­տես­ման շա­պի­կը»:

­Թե ինչ են The Economist-ի այդ ա­մե­նամ­յա «գու­շա­կութ­յուն­ներն» ի­րեն­ցից ներ­կա­յաց­նում, շատ է խոս­վել: Հիմ­նա­կան վար­կած­նե­րից է, թե դրա­նով «հա­մաշ­խար­հա­յին կա­ռա­վա­րութ­յու­նը» ռե­բու­սա­յին տես­քով բա­ցա­հայ­տում է իր ծրագ­րե­րը՝ ով խելք ու­նի, թող հաս­կա­նա ի­մաս­տով: Կա նաեւ հա­կա­ռակ կար­ծի­քը, որ դրա­նով գլո­բա­լիստ­նե­րը փոր­ձում են ցույց տալ, թե ի­րենք են դրութ­յան տե­րը՝ ա­սում են ու կա­նեն: Վար­կած­նե­րից մեկն էլ այն է, որ դա ի­րե­նից բան չի ներ­կա­յաց­նում. ե­թե գլո­բա­լիստ­ներն այդ­քան կան­խա­տե­սող լի­նեին, ներ­կա­յիս վի­ճա­կում չէին հայտն­վի, եւ այդ­պես շա­րու­նակ: Բայց մեկ բան հաս­տատ է՝ ան­գամ այդ կան­խա­տե­սում­նե­րին չհա­վա­տա­ցող շատ փոր­ձա­գետ­ներ հա­մա­ռո­րեն ու­սում­նա­սի­րում են The Economist-ի հեր­թա­կան տար­վան նվիր­ված շա­պի­կը՝ բա­ցատ­րե­լով. «Սա կա­րող է պատ­կե­րա­ցում տալ, թե հա­մաշ­խար­հա­յին հիմ­նա­կան ու­ժե­րից մե­կը՝ գլո­բա­լիստ­ներն ինչ ծրագ­րեր ու­նեն»: Ու­րեմն, ի՞նչ ծրագ­րեր ու­նեն գլո­բա­լիստ­նե­րը 2026թ.-ին…

ԿԱՌԱՎԱՐԵԼԻ ՔԱՈՍ

2026 թվա­կա­նին վե­րա­բե­րող The Economist-ի ռե­բու­սում (էջ 5) ա­մե­նագլ­խա­վո­րը, թե­րեւս, աչ­քի ա­ռաջ է, բայց մնա­լով մի տե­սակ քիչ ըն­կա­լե­լի: Դա ռե­բու­սի ընդ­հա­նուր տեսքն է՝ մո­լո­րա­կը ներ­կա­յաց­ված է որ­պես ֆուտ­բո­լիս­տի կող­մից հար­ված­վա­ծից հե­տո թռչող գնդակ։ Այն, որ միան­գա­մից տե­սա­նե­լի է, բայց ա­ռա­ջին պա­հին՝ քիչ ըն­կա­լե­լի, ուղ­ղորդ­ված հար­վա­ծի պատ­կերն է. ֆուտ­բո­լիստն ուժ­գին հար­վա­ծով գնդակ-մո­լո­րակ հե­տագ­ծի հստակ կար­միր գծե­րով ուղ­ղում է ի­րեն ցան­կա­լի ուղ­ղութ­յամբ: Բ­նա­կա­նա­բար, գլո­բա­լիստ­նե­րը, կոնկ­րետ դեպ­քում՝ ի դեմս ռոտ­շիլդ­նե­րի, հա­զիվ թե բա­ցի ի­րեն­ցից մեկ ու­րի­շին տես­նեն մո­լո­րա­կի զար­գա­ցում­նե­րին ըն­թացք տվո­ղի՝ գնդա­կին հար­վա­ծող ֆուտ­բո­լիս­տի դե­րում: Ակ­նար­կը կար­ծես թե պարզ է՝ ռոտ­շիլդ­նե­րը փոր­ձում են ցույց տալ, որ ինչ­քան էլ խոս­վում է գլո­բա­լիստ­նե­րի դիր­քե­րի թու­լաց­ման մա­սին, բայց ի­րենք են մնում հա­մաշ­խար­հա­յին գոր­ծըն­թաց­նե­րի հիմ­նա­կան, ա­վե­լի ճիշտ՝ միակ ուղ­ղոր­դո­ղի դե­րում, ա­մեն ինչ ի­րենց մտա­հղա­ցում­նե­րի հի­ման վրա է տե­ղի ու­նե­նում: Ի­րա­կա­նում այդ­պե՞ս է, թե՞ դրա­նով ըն­դա­մե­նը փոր­ձում են մյուս ու­ժե­րին կամ մարդ­կութ­յա­նը հու­սա­հա­տութ­յան դո­զա նե­րար­կել, թե մեկ է, մենք ենք խա­ղա­վա­րը, ոչ մե­կը ոչ մի բան չի կա­րող ա­նել: Սա ար­դեն կախ­ված է նրա­նից, թե ով ինչ­պես է ըն­կա­լում ռոտ­շիլ­դա­կան այս ռե­բուս­նե­րը:

­Նույն՝ գլո­բա­լիստ­նե­րի կող­մից ա­մեն բան ո­րո­շե­լու մա­սին մեկ այլ ակ­նարկ է, այս­պես ա­սենք, գնդակ-մո­լո­րա­կի վրա փոքր ման­րա­մաս­նե­րի ա­ռա­տութ­յու­նը, ո­րը քաո­սի տպա­վո­րութ­յուն է թող­նում: Ա­վելի ճիշտ՝ կա­ռա­վա­րե­լի քաո­սի, հաշ­վի առ­նե­լով, որ գնդա­կի թռիչքն ար­դեն իսկ կա­ռա­վա­րե­լի է պատ­կեր­ված: Իսկ կա­ռա­վա­րե­լի քաո­սը (ո­րում, օբ­յեկ­տի­վո­րեն նկա­տենք, գտնվում է մեր ժա­մա­նա­կա­կից աշ­խար­հը), հենց գլո­բա­լիստ­նե­րի սի­րած ռազ­մա­վա­րութ­յունն է:

ԵՐԿՈՒ ՄԵԾ ՊԱՏԵՐԱԶՄ ԵՎ ՄԻ ՔԱՆԻ ՄԱՆՐ

­Բուն գնդակ-մո­լո­րա­կի վրա ա­ռա­ջի­նը, որն ան­մի­ջա­պես աչ­քի է ընկ­նում, ռազ­մա­կան տեխ­նի­կա­յի ա­ռա­տութ­յունն է: Տան­կեր (եր­կու մեծ եւ մի քա­նի փոքր), հրթիռ­ներ, ռմբա­կո­ծող ինք­նա­թիռ­ներ, ա­նօ­դա­չու­ներ եւ ցա­մա­քա­յին ինք­նա­կա­ռա­վար­վող մար­տա­կան հա­մա­կար­գեր, կա­րե­լի է նաեւ սու­զա­նավ նկա­տել, ու հենց կենտ­րո­նում՝ ա­մե­նաաչ­քի ըն­կող հատ­վա­ծում, եր­կու խաչ­ված սրերն են: Գու­մա­րած հրթիռ­ներ ակ­նար­կող ա­ռեւտ­րա­յին կոն­տեյ­նե­րա­յին նա­վը, ո­րը, թե­րեւս, ա­մե­նա­պարզ ակ­նարկն է, որ բա­ցի ընդ­հա­նուր պա­տե­րազ­մա­կան տրա­մադ­րութ­յուն­նե­րից, թեժ բա­խում­նե­րը շա­րու­նակ­վե­լու են նաեւ տնտե­սա­կան ճա­կա­տում: Ա­սենք, տնտե­սա­կան գրա­ֆի­կի վրա գտնվող խաչ­ված սրե­րը նույն բա­նի մա­սին են խո­սում՝ տնտե­սա­կան հար­ցե­րի լու­ծում­նե­րը ռազ­մա­կան դաշ­տում են տրվել­ու:

Ա­վել­ի դե­տա­լա­յին ի­մաս­տով, եր­կու մեծ տան­կը կա­րող է գա­լիք տա­րի սպաս­վող եր­կու հիմ­նա­կան պա­տե­րազ­մի մա­սին ակ­նար­կել: Ո­րո՞նք են դրանք: Գ­լո­բա­լիս­տա­կան թե­ւի բո­լոր ձգտում­ներն այն ուղ­ղութ­յամբ են, որ այս տա­րի ուկ­րաի­նա­կան պա­տե­րազ­մի ա­վար­տը բա­ցառ­վի: Ու են­թադ­րե­լի է, որ 2026թ.-ի եր­կու մեծ պա­տե­րազմ­նե­րից մե­կը հենց ուկ­րաի­նա­կանն են հա­մա­րում: Միայն թե ա­վե­լի շատ ռու­սա­կա­նի նման­վող տան­կե­րից մե­կը շարժ­վում է կրակ­նե­րի մեջ գտնվող եւ անկ­յուն քաշված Զե­լենս­կու վրա: Նա ձեռ­քին հե­ռա­դի­տակ ու­նի, բայց ցած ի­ջեց­րած. այ­լեւս հե­ռու­նե­րում հույս փնտրե­լու կա­րիք չու­նե­ցո­ղի վի­ճակ: Ն­րա ուղ­ղութ­յամբ շարժ­վող հու­նա­կա­նի նման­վող նա­վը կա­րող էր Եվ­րո­պա­յից ե­կող փրկութ­յան ակ­նարկ հա­մա­րվել. չմո­ռա­նանք, որ հին հու­նա­կան քա­ղա­քակր­թութ­յունն է ներ­կա­յիս Եվ­րո­պա­յի հիմ­քը հա­մար­վում: Միայն թե նա­վում գտնվող զին­վո­րա­կա­նի ձեռ­քին ­ կա հին հու­նա­կան աճ­յու­նա­սա­փո­ր: Այս տար­բե­րա­կով, սա­փո­րը ձեռ­քին զին­վո­րա­կա­նը կա­րող է նաեւ մա­հա­ցած­նե­րի հո­գի­նե­րը տե­ղա­փո­խող դի­ցա­բա­նա­կան Քա­րո­նը լի­նել: Ա­մեն դեպ­քում, Թ­րամ­փը շատ հե­ռու է Զե­լենս­կուց եւ մեջ­քով շրջված է: Սա ար­դե­ն ներ­կա­յիս Կիե­ւի հա­մար ծայ­րա­հեղ մռայլ տպա­վո­րութ­յուն է թող­նում: Ա­ռա­վել եւս, որ մո­տա­կայ­քում ո­րե­ւէ գոր­ծող եվ­րո­պա­ցի լի­դեր չկա. Զե­լենս­կին միայ­նակ է մնա­ցել: Հան­րա­գու­մա­րում, ե­թե են­թադր­վող եր­կու մեծ պա­տե­րազմ­նե­րից մեկն ուկ­րաի­նա­կանն է, ա­պա, դա­տե­լով գլո­բա­լիս­տա­կան կան­խա­տե­սում­նե­րից, 2026թ.-ն­ այդ պա­տե­րազ­մի վեր­ջին տա­րին է լի­նե­լու:

Այդ դեպ­քում ո՞րն է սպաս­վող երկ­րորդ մեծ պա­տե­րազ­մը: Ա­մե­նա­հա­վա­նա­կան տար­բե­րակ­նե­րից կա­րող է լի­նել Վե­նե­սո­ւե­լան, կա­րող է լի­նել Ի­րա­նը, Թայ­վա­նը… Բայց այդ մա­սին հստակ, տե­սա­նե­լի ակ­նարկ­ներ չկան: Չ­նա­յած, դա­տե­լով ներ­կա սրա­ցում­նե­րից, ա­մե­նա­հա­վա­նա­կա­նը մնում է Վե­նե­սո­ւե­լա­յի վրա ԱՄՆ-ի հար­ձա­կու­մը: Բայց նաեւ կա վար­կա­ծը, որ ներ­կա բո­լոր խնդիր­նե­րի պա­րա­գա­յում Թ­րամ­փը կա­րող է եւ ցու­ցադ­րա­կան սպառ­նա­լիք­նե­րից այն կողմ չանց­նել:

ԱՄՆ-Ի 250-ԱՄՅԱԿԸ ԿՀԱՐԱՄՎԻ

Չ­նա­յած, ա­մե­նե­ւին էլ չբա­ցա­ռենք, որ երկ­րորդ մեծ պա­տե­րազ­մը վե­րա­բե­րում է բա­ցա­ռա­պես ԱՄՆ-ին: Ռե­բու­սի կենտ­րո­նա­կան հատ­վա­ծի մեծ տոր­թը, ի­հար­կե, հի­շե­ցում է Միաց­յալ Նա­հանգ­նե­րի հիմ­նադր­ման 250-ամ­յա­կի մա­սին։ Դա հաս­տա­տում են նաեւ տոր­թի հա­րե­ւա­նութ­յամբ գտնվող ա­մե­րիկ­յան դրո­շը, հրթիռ­նե­րը` որ­պես այդ երկ­րի հզո­րութ­յան խորհր­դա­նիշ: Բայց մեկ խորհր­դա­նիշ էլ կա այս­տեղ, այն էլ՝ հենց ա­մե­րիկ­յան դրո­շի ֆո­նին: Հե­ղա­փո­խութ­յուն­նե­րը խորհր­դան­շող ձեռ­նաշղ­թա­յով բռունց­քը, կա­րե­լի է ըն­կա­լել, որ Թ­րամ­փը կշա­րու­նա­կի «ա­զա­տութ­յուն­նե­րի սահ­մա­նա­փա­կու­մը»: Բայց կա­րե­լի է նաեւ ըն­կա­լել` որ­պես Թ­րամ­փի դեմ սկսված հե­ղա­փո­խա­կան պա­տե­րազ­մի նշան: Կա նաեւ այն հար­ցը, թե ո՞ւմ են պատ­կա­նում բռունց­քին զու­գա­հեռ պարզ­ված հրթիռ­նե­րը՝ թրամփ­յան իշ­խա­նութ­յուն­նե­րի՞ն, թե հա­կաթ­րամփ­յան թե­ւին՝ գլո­բա­լիստ­նե­րին:

Ու նաեւ նկա­տենք, որ կոն­տեյ­նե­րա­տար նա­վի հրթիռ­ներն ուղղ­ված են հենց ա­մե­րիկ­յան տոր­թին: Սա մի կող­մից, կա­րե­լի է ըն­կա­լել, որ­պես Չի­նաս­տա­նի հետ ա­ռեւտ­րա­յին պա­տե­րազմ­նե­րի խորհր­դա­նիշ: Այն է, երկ­րորդ մեծ պա­տե­րազ­մը կա­րող է նաեւ ըն­թա­նալ տնտե­սա­կան հար­թութ­յու­նում: Բայց նաեւ 250-ամ­յա ԱՄՆ-ին ուղղ­ված հրթիռ­նե­րը կա­րող են ըն­կալ­վել պե­տա­կան փլուզ­ման մա­սին ակ­նարկ՝ մի քա­նի գոր­ծոն­նե­րի ազ­դե­ցութ­յամբ: Ներ­քին հե­ղա­փո­խութ­յան, ար­տա­քին տնտե­սա­կան հար­ված­նե­րի: Ա­մեն դեպ­քում, ռե­բու­սում պատ­կեր­ված քայ­քայ­վող դո­լա­րի նշա­նը ար­դեն իսկ Նա­հանգ­նե­րի հետ կապ­ված չա­րա­ղետ կան­խա­գու­շա­կում է: Ա­մեն դեպ­քում, ռոտ­շիլդ­նե­րը կար­ծես թե պարզ ակ­նար­կում են, որ ԱՄՆ-ի 250-րդ տա­րե­լի­ցը կհա­րամ­վի:

ԹՐԱՄՓԻ ՄԱՍԻՆ ԿԱՆԽԱՏԵՍՈՒՄՆԵՐԻՑ ԼԱՎ ՀՈՏ ՉԻ ԳԱԼԻՍ

­Բուն կենտ­րո­նում Թ­րամփն է՝ սրե­րով բա­ժան­ված նա­խա­գահ Սիից: Ա­վե­լի կոնկ­րետ, մի թե­ւում ԲՐԻԿՍ-ի ա­ռանց­քա­յին դեմ­քերն են՝ Սին, Պու­տի­նը եւ դա Սիլ­վան: Հա­կա­ռակ կող­մում՝ Թ­րամ­փը: Այս­տեղ է նաեւ Մո­դին, ով, թե­րեւս, ի­րա­կա­նում վա­ղուց է ա­ռա­ջին բլո­կում, բայց գլո­բա­լիստ­նե­րի հա­մար կար­եւոր է Հնդ­կաս­տա­նին ի­րենց կող­մը գրա­վել:

Ա­մե­նա­հե­տաքր­քիր պա­հե­րից մե­կը. Թ­րամ­փի հետ չեն, ա­վե­լի ճիշտ՝ առ­հա­սա­րակ գա­լիք տար­վա «աշ­խար­հի քար­տե­զից» բա­ցա­կա­յում են Բ­րի­տա­նիան, Ֆ­րան­սիան եւ Գեր­մա­նի­ան, խո­շոր հաշ­վով՝ Բր­յու­սե­լը: Այ­սինքն, գլո­բա­լիստ­նե­րը կար­ծում են, որ Եվ­րո­պան առ­հա­սա­րա՞կ է խա­ղից դուրս մնում, թե՞ ակ­նար­կը վե­րա­բե­րում է միայն լի­դեր­նե­րին՝ Ս­թար­մե­րին, Մակ­րո­նին եւ Մեր­ցին, ա­սենք նաեւ Ուր­սու­լա ֆոն դեր Լե­յե­նին: Դա­տե­լով ներ­կա ի­րո­ղութ­յուն­նե­րից, նրանք ի­րոք կա­րող են գա­լիք տա­րի (ե­թե ոչ մին­չեւ այս տա­րե­վերջ) հայտն­վել պատ­մութ­յան աղ­բա­մա­նում: Արդ­յուն­քում, գլո­բա­լիստ­նե­րը, նման է, որ հիմ­նա­կան պայ­քա­րը տես­նում են եր­կու հիմ­նա­կան բլոկ­նե­րի մի­ջեւ: Իսկ ի­րենց այս­տեղ չեն տես­նում, քա­նի որ հար­վա­ծող ֆուտ­բո­լիս­տի դե­րո՞ւմ են…

Ա­մեն դեպ­քում, ԱՄՆ նա­խա­գա­հի թի­կուն­քին հայտն­վել է միայն ի­տա­լու­հի Մե­լո­նին: Իսկ դա ակ­նարկ է, որ Թ­րամ­փը գործ­նա­կա­նում միայ­նակ է մնա­ցել: Ա­սենք, ներ­կա ի­րո­ղութ­յուն­ներն էլ են այդ մա­սին խո­սում. Թ­րամ­փի թի­մում հեր­թա­կան ան­գամ մեծ կռիվ է սկսել, շա­տերն են նա­խա­գա­հին մե­ղադ­րում իր իսկ սկզբունք­նե­րին դա­վա­ճա­նե­լու մեջ, ո­րը մեծ հարց է, թե մին­չեւ ուր կհասց­նի:

­Ճիշտ է, գլո­բալ ու­ղեղ­նե­րի կա­ռա­վար­ման վա­հա­նա­կը դեռ Թ­րամ­փի կող­քին է: Բայց փա­թաթ­ված նա­խա­գահ Սիի սրին, ո­րը սպառ­նում է այն կտրել ցան­կա­ցած պա­հի: Իսկ նրանց մի­ջեւ գտնվող տնտե­սա­կան գրա­ֆի­կի ան­կու­մա­յին հատ­վա­ծը հենց Թ­րամ­փի կողմն է, ա­ջի­նը՝ Սիի: Այն է, տնտե­սա­կան պա­տե­րազմ­նե­րում գլո­բա­լիստ­նե­րը նա­խա­պատ­վութ­յուն են տա­լիս չի­նա­ցի­նե­րին, թեեւ, կրկնենք, այդ թե­ւում ԲՐԻԿՍ-ի հիմ­նա­կան հատ­վածն է:

ՄՈՏԱՎՈՐԱՊԵՍ ՆՈՒՅՆԸ, ԻՆՉ ԱՅՍ ՏԱՐԻ ԷՐ

­Ռե­բու­սի վրա­յի մնա­ցած դե­տալ­նե­րը կա­րե­լի է հա­մե­մա­տա­բար ա­վե­լի կան­խա­տե­սե­լի հա­մա­րել: Դե­ղա­հա­բե­րի, նե­րար­կիչ­ներ ա­ռա­տութ­յու­նը մի կող­մից խո­սում է հի­վան­դութ­յուն­նե­րի բարձր մա­կար­դա­կի մա­սին: Բայց նաեւ այն հսկա­յա­կան ե­կա­մուտ­նե­րի, ո­րոնք ստա­նում է դե­ղա­գոր­ծութ­յան ո­լոր­տը:

­Պարզ տե­սա­նե­լի է նաեւ ռո­բոտ­նե­րի մեծ քա­նա­կութ­յու­նը, ին­չը, ի­հար­կե, նա­եւ ար­հես­տա­կան ​​բա­նա­կա­նութ­յան հե­տա­գա վա­խի մա­սին է ակ­նար­կում: Ընդ ո­րում, քիչ չեն տար­բեր աշ­խա­տանք­նե­րով զբաղ­վող ռո­բոտ­նե­րը, ո­րը դար­ձել է աշ­խա­տա­շու­կա­յի հե­տա­գա կրճատ­ման մա­սին վատ­թա­րա­գույն կան­խա­տե­սում­նե­րի խորհր­դա­նիշ: Բայց զգաց­վում է, որ այդ դի­նա­մի­կան միայն ա­վե­լի ցայ­տուն է դառ­նա­լու:

­Հալ­վող սառ­ցա­բե­կոր­նե­րի պատ­կե­րը եւս կա­րե­լի է հաս­կա­նալ. ա­ռանց գլո­բալ տա­քաց­ման օ­րա­կար­գի գլո­բա­լիստ­նե­րը չեն կա­րող:

­Բայց խո­շոր պատ­վեր­նե­րի թվում կան մի քա­նիսը, ո­րոնք տա­րաբ­նույթ մեկ­նա­բա­նութ­յուն­ներ են ա­ռաջ բե­րել: Նախ, կենտ­րո­նա­կան հատ­վա­ծում տե­սա­նե­լի է Սա­լը, ո­րը գրե­թե կոտր­վել է մուր­ճի հար­ված­նե­րից: Ո­րոշ մեկ­նա­բա­նութ­յուն­նե­րում, դա մի­ջազ­գա­յին ի­րա­վուն­քի հե­տա­գա քայ­քա­յումն է, այլ տար­բե­րա­կով՝ «կա­նոն­նե­րի վրա հիմն­ված աշ­խար­հա­կար­գի» ոչն­չա­ցու­մը: Կա նաեւ մեկ­նա­բա­նութ­յուն, թե դա պետք է ըն­կա­լել, որ­պես ա­րեւմտ­յան դա­շին­քի քայ­քա­յում, ո­րի տար­րե­րը ներ­կա­յումս պարզ տե­սա­նե­լի են: Մեկ այլ վար­կա­ծով, դա պետք է հա­մա­րել դա­րա­կազ­միկ փո­փո­խութ­յուն­նե­րի խորհր­դա­նիշ, հաշ­վի առ­նե­լով, որ հենց դրա կող­քին է քայ­քայ­վող դո­լա­րի նշա­նը, նաեւ «դեմ» քվեար­կող ինչ-որ մե­կը:

­Տար­բեր մեկ­նա­բա­նութ­յուն­ներ է ա­ռա­ջաց­րել նաեւ խո­շոր տիե­զե­րա­նավ բարձ­րաց­նող հրթի­ռի պատ­կե­րը: Ո­մանք դա կա­պել են Մաս­կի տեխ­նո­լո­գիա­նե­րի հետ, ո­մանք կար­ծում են, որ գլո­բա­լիստ­նե­րը գա­լիք տա­րին հա­մա­րում են տիե­զե­րա­կան նոր դա­րաշր­ջա­նի մեկ­նար­կա­յին կե­տը, երբ խո­շոր նա­վե­րը կսկսեն թռչել դե­պի մո­տա­կա տիե­զե­րա­կան օբ­յեկտ­ներ՝ Լու­սին, Մարս եւ այլն, բայց սա չկա­պե­լով միայն Մաս­կի հետ: Ա­ռա­վել եւս, որ մո­լո­րա­կի հա­կա­դիր հատ­վա­ծում կա նաեւ տիե­զե­րա­կան հե­ռա­վոր կա­պի ան­տե­նա­յի նման­վող ինչ-որ սար­քա­վո­րում:

­Բայց, ընդ­հա­նուր առ­մամբ, թեեւ ողջ ռե­բու­սը մռայլ տպա­վո­րութ­յուն է թող­նում, սա­կայն ե­ղած ակ­նարկ­ներն այն մա­սին են, որ կու­նե­նանք մո­տա­վո­րա­պես այն­պի­սի քա­ղա­քա­կան տա­րի, ինչ­պի­սին 2025թ.-ն­ էր՝ սուր լար­վա­ծութ­յուն­ներ, պա­տե­րազմ­ներ, միա­բե­ւեռ աշ­խար­հի քայ­քա­յում եւ այն:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝