Հայաստանի ապագան Ռուսաստանի հետ է
ԹեմաԵրեւանում այսօր մեկնարկում է «Եվրասիական ինտեգրացիա եւ ՀՀ-ի տնտեսական զարգացման հեռանկարները» միջազգային մեծ կլոր սեղանը, որին մասնակցում են ԵԱՏՄ բոլոր երկրների, ինչպես նաեւ Վրաստանի եւ Մոլդովայի հայտնի փորձագետներ ու գիտնականներ: Կլոր սեղանի շրջանակում Հայաստանում է Մոսկվայում հրապարակվող ռուսալեզու եւ արդեն նաեւ հայերեն Երեւանում հրապարակվող «Նոյյան տապան» թերթի հիմնադիր եւ գլխավոր խմբագիր ԳՐԻԳՈՐԻ ԱՆԻՍՈՆՅԱՆԸ: Նա հյուրընկալվել է «Իրավունք»-ի խմբագրությունում եւ հեռուստահաղորդում-զրույց ունեցել «Ուժեղ Հայաստան Ռուսաստանի հետ. հանուն նոր Միության» շարժման համակարգող, ՍԻՄ կուսակցության նախագահ Հայկ Բաբուխանյանի հետ:
«Հայաստանի ապագան Ռուսաստանի հետ է եւ վերջ: Բանն այն է, որ Հայաստանի իշխանությունները ցանկանում են լինել Ռուսաստանի հետ միայն մեկ ուղղությամբ՝ տնտեսական։ Որքան ես եմ հասկանում, Ռուսաստանի կողմից առաջարկվող բոլոր տնտեսական հարցերը Հայաստանի կառավարությունն ընդունում է։ Ինչո՞ւ։ Որովհետեւ հենց այդ կապերի շնորհիվ Ռուսաստանի հետ այսօր Հայաստանը պահպանում է իր տնտեսական անվտանգությունը։ Հայաստանը պահպանեց, հատկապես անցած տարի, իր ՀՆԱ-ն եւ շարունակում է կատարել իր բոլոր սոցիալական պարտավորությունները ժողովրդի առաջ։ Բայց այս տարվա արդյունքները շատ ավելի ցածր են, քան անցած տարվա, քանի որ Եվրոպայի ճնշման տակ որոշ ծրագրեր կա՛մ դադարեցվում են, կա՛մ եթե չեն դադարեցվում, ապա կրճատվում են։ Ես նկատի ունեմ Հայաստանի կապերը Ռուսաստանի հետ։ Այդ պատճառով Հայաստանը կրում է ուղիղ վնասներ։ Սա այնքան ակնհայտ է, որ դրա համար նույնիսկ ապացույցներ պետք չեն։ Այս մասին գիտի ե՛ւ Հայաստանի կառավարությունը, ե՛ւ Ռուսաստանը, բայց ինչ-որ պատճառով այս միտումը շարունակում է։ Միանշանակ է, որ Հայաստանը Ռուսաստանի հետ ունի ոչ միայն տնտեսական, այլեւ քաղաքական առաջնահերթություններ, սակայն այստեղ արդեն առաջանում են որոշ հակասություններ, որովհետեւ Հայաստանի կառավարությունը ցանկանում է՝ մնալով տնտեսապես կապված Ռուսաստանի հետ, խզել բոլոր քաղաքական հարաբերությունները։ Բայց դա չի ստացվի», - զրույցի ընթացքում շեշտել է Անիսոնյանը։
ՀՐԱՆՏ ՍԱՐԱՖՅԱՆ
Հ.Գ.- Շարունակությունը կարդացե՛ք թերթի առաջիկա համարներից մեկում:
Բաժանորդագրվե՛ք https://t.me/iravunk
Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան 
ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան 
Շերլոկ Հոլմսից մինչև արհեստական բանականություն․ ինչպե՞ս է փոխվել դետեկտիվի աշխատանքը 
Հարցվածների 29.4%-ը նշել է, որ պիտի մնանք ԵԱՏՄ-ում, 35.1%-ը կարծում է՝ պիտի շարժվել դեպի ԵՄ 
ՈՒՂԻՂ․ Արցախի թեմայով ինչու է լռում ընդդիմությունը․ Հայկ Բաբուխանյան 
1
11251 դիտում
2
3028 դիտում
3
1566 դիտում
4
1516 դիտում
5
1511 դիտում
1
31411 դիտում
2
19400 դիտում
3
11388 դիտում
5
8094 դիտում
3
17699 դիտում
