«Նա իրավունք ունի պատարագի մասնակցել». թեմի առաջնորդը՝ Խաչիկ գյուղում վարչապետի հետ պատարագի մասնակցելու մասին

Այսօր Խաչիկ գյուղում տեղի ունեցած պատարագին մասնակցել է նաև Վայոց ձորի թեմի առաջնորդ Տեր Աբրահամ արքեպիսկոպոս Մկրտչյանը, պատարագը նա է սկսել:

NEWS.am-ը փորձեց Աբրահամ Սրբազանից պարզել, թե ինչով է պայմանավորված, որ հենց Խաչիկ գյուղում է պատարագի մասնակցել, որտեղ ներկա է վարչապետ Նիկոլ Փաշինյանը։

Արքեպիսկոպոսը հարցը լսելով, միայն ասաց. «Ես հիմա Խաչիկ գյուղից իջնում եմ, այստեղ անընդհատ միանում անջատվում է ձեր ձայնը։ Գոնե մի կես ժամից զանգեք, մինչև հասնեմ տեղ, ավելի հանգիստ կհասկանամ ինչ հարց եք տալիս։ Ես մեկ Փաշինյան անունը լսեցի, մեկ էլ «ինչու» հարցը լսեցի։ Ի՞նչ ասեմ, Փաշինյանը իրավունք ունի որևէ տեղ պատարագի մասնակցել»։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝