Իշխանությունն իրականում շարժվում է «կախյալ Հայաստանի» կոնցեպտով. Տիգրան Աբրահամյան
Ներքաղաքական
ԱԺ «Պատիվ ունեմ» խմբակցության քարտուղար ՏԻԳՐԱՆ ԱԲՐԱՀԱՄՅԱՆԻ գնահատմամբ՝ 44-օրյա պատերազմի ծանր հետեւանքները նոյեմբերի 9-ի եռակողմ հայտարարությամբ կամ վաշինգտոնյան պայմանավորվածություններով չեն սահմանափակվելու:
— Դրանք տասնամյակներով ծանր ազդեցություն են թողնելու Հայաստանի բնականոն ընթացքի, նրա շուրջ ձեւավորվող անվտանգության միջավայրի, ինքնիշխանության եւ տարածաշրջանում Հայաստանի տեղի ու դերի վրա: Հայաստանը կհաղթահարի այս ընթացքը միայն այն դեպքում, եթե պատերազմին նախորդած, բուն պատերազմի ու դրան հաջորդած ժամանակահատվածի դիվանագիտական, ռազմական, քաղաքական պայմանավորվածություններն ու դրվագները մանրամասն վերլուծվեն ու հանրայնացվեն, իսկ մեղավորները պատասխանատվության ենթարկվեն: Հասկանալի է, որ գործող ռեժիմի իշխանավարման ընթացքում դա անհնար է, ինչը պայմանավորված է ոչ միայն այս իշխանության՝ իրավիճակի բերումով ստանձնած կարգավիճակով, այլ նաեւ նրանով, որ այս 5 տարիների իրադարձությունները ցույց են տվել, որ կառավարչի միակ նպատակը փաստերի ու իրական գործընթացների «սվաղումն» ու պատերազմի ողբերգական ելքն ըստ քաղաքական նպատակահարմարության օգտագործումն է: Պատերազմից 5 տարի անց պարտության գլխավոր պատասխանատունները ոչ թե բանտում են, այլ հոխորտում են, սպառնում են, շանտաժի ենթարկում սեփական հասարակությանը եւ որպես օրակարգ դիտարկում ոչ թե պատերազմի հանգամանքների պարզումն ու դրանից բխող իրավական գործընթացները, այլ իշխանության երկարաձգումը: Այս շղթայական պարտությունները մեր երկրին բերել եւ կանգնեցրել են մի կետում, որտեղ բոլոր ընտրությունները վատի ու վատթարագույնի միջեւ են: Հայաստանի իշխանությունն իրականում շարժվում է «կախյալ Հայաստանի» կոնցեպտով, որտեղ առաջնայինը ոչ թե երկրի պետական եւ ազգային շահերն են, այլ` նեղ կուսակցականը: Գործող կառավարչին այլեւս հետաքրքիր չէ սեփական երկրի ինքնիշխանությունը, տարածքային ամբողջականությունն ու քաղաքացիների անվտանգությունը, որովհետեւ դա անորոշ հեռանկարով արդեն արտապատվիրակված է երրորդ կողմին, եւ որում ինքն ունի բացառապես լուռ լսելու եւ կատարելու գործառույթ:
Ընտրություններից առաջ ափալ-թափալ կարում եք ասֆալտ անեք, Արին Բերդինը 1 տարի ա չեք կարում 
Աչքներս փակե՞նք, իբր թե 2020թ ա. 45 000 նոր ավտո ա մտել էս երկիր, որից 10 000-ը՝ Երևան. Ավինյան 
Ինձ քիչ է հետաքրքրում, թե Արամ Ա կաթողիկոսն ինչ վերաբերմունք ունի էջմիածնի նկատմամբ. Հարությունյան 
Ժողովուրդը կանգնած է ընտրության առջև՝ Եկեղեցի՞ն, թե՞ իշխանությունը. «Փաստ» 
Մարդ ողջ-առողջ տարվում է մեկուսարան, 5-6 ամիս հետո հայտնվում է անվասայլակին. Աբրահամյան 
1
3673 դիտում
2
2232 դիտում
3
2002 դիտում
4
1905 դիտում
5
1647 դիտում
1
21288 դիտում
2
10100 դիտում
3
8323 դիտում
4
6038 դիտում
5
5353 դիտում
2
17679 դիտում
3
17610 դիտում
4
16377 դիտում
5
15688 դիտում
