Գուլյայպոլեն արդեն էական չէ, ռուսական ուժերը շարժվում են դեպի Օրեխովոեի թիկունք (Քարտեզ)

Երեկ Ռուսական ուժերը, Գուլյայպոլեի հատվածում գրավեցին Դանիլովկա բնակավայրը` ֆիզիկապես փակելով Պոկրովսկոեից Գուլյայպոլե տանող մայրուղին:

Ուկրաինական աղբյուրները դեռ չէին հասցրել մարսել այդ լուրը, երբ հայտնի դարձավ, որ ռուսները հարձակվում են շատ լայն ճակատով` մոտենալով մայրուղուն դրա գրեթե ողջ տիրույթով մեկ: վելին, որ պաշտպանություն այստեղ ուկրաինական կողմը գործնականում չունի: Փոքրաքանակ ուժերի մի մասն արդեն քաշվել է Գուլյայպոլե, մյուս մասը` դեպի արեւելք, որտեղ ուկրաինական բանակն ունի եւս մեկ պաշտպանական գոտի` Գայչուր գետի երկայնքով:

Արդյունքում, այս պահին, ինչն անգամ ուկրաինական կողմն է հաստատում, ռուսական ուժերը Գուլյայպոլեի ողջ թիկունքը փակել են` գտնվելով քաղաքից կոտ 4-6 կմ հեռավորության վրա:

Սակայն նման է, որ ռուսների համար արդեն Գուլյայպոլեն մեծ հետաքրքրություն չի ներկայացնում. այն արդեն կորցրել է իր ռազմավարական նշանակությունը` որպես կաևրեւոր պաշտպանական հանգույց եւ այսպես թե այնպես` կդատարկվի: Ռուսական ուժերն այս պահին, ինչպես նաեւ կարծում են որոշ հեղինակավոր փորձագետներ, կշարունակեն դեպի արեւմուտք հնարավորինս արագ առաջխաղացումը: Գայչուր գետի երկայնքով պաշտպանական գոտին հազիվ թե մեծ դժվարություն ներկայացնի. այն գործնականում անպաշտպան է: Եվ այն հաղթահարելու դեպքում ռուսները կսկսեն դուրս գալ Զապորոժեի հարավում ուկրաինական պաշտպանության հիմնական հանգույցի` Օրեխովոյի թիկունք (Քարտեզ 4, 5):

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝