Գուլյայպոլյեի շրջանում Ուկրաինայի ուժերի համար աղետ է սպասվում. Ուկրաինական ռազմական դիտորդ (Քարտեզ)

Այս պահին Զապորոժեի հարավ-արեւելքում` Գուլյայպոլեի ճակատում նման իրողություն է:

Ուկրաինայի զինված ուժերի անձնակազմը փախել է Զապորոժիեի մարզի Ռովնոպոլեից, նրանց դիրքերի հրետակոծությունից հետո։ Ինչպես արդեն նաեւ ուկրաինական աղբյուրներն են հայտնում. «2025 թվականի նոյեմբերի 11-ին, ուշ երեկոյան, Ռիվնեպիլիայի տարածքում մեր դիրքերի դեմ համապարփակ կրակի արդյունքում, մեր անձնակազմի կյանքը պահպանելու համար ուկրաինական ստորաբաժանումները նահանջել են ավելի շահավետ դիրքեր», - հայտարարեցին Հարավային Ուկրաինայի պաշտպանության ուժերը։
Նրանք նաև նշել են, որ «կանգնեցրել» են ռուսական զորքերի առաջխաղացումը, բայց չեն մանրամասնել, թե ինչպես, քանի որ Ուկրաինայի զինված ուժերի բոլոր անձնակազմերը փախել էին իրենց դիրքերից։

Ավելացնենք, որ նույն վիճակում է նաեւ Ռովնոպոլեից մի փոքր հարավ գտնվող Յաբլոկովոյում: 

Ավելին, ռուսական ուժերն արդեն շարժ են սկսել  Ռովնոպոլեից դեպի արեւմուտք` Գուլյայպոլե-Պոկրովսկոե մայրուղու ուղղությամբ: Իսկ Յաբլոկովոյից հարվածն ուղղվում է դեպի հարավ` Զատիշե բնակավայրի ուղղությամբ, որը փապում է Գուլյայպոլեի ճակատի արեւելյան հատվածում առաջացած «գրպանը»:

Այս ծանր վիճակը հաստատում են նաեւ ուկրաինական ռազմական եւ փորձագիտական աղբյուրները: Գուլյայպոլյեի շրջանում Ուկրաինայի զինված ուժերի համար աղետ է սպասվում, գրում է ուկրաինական ռազմական դիտորդ Բոգդան Միրոշնիկովը։

«Մամուլի քարտուղարները ինչ-որ բան են հայտարարում, իսկ պարոն գլխավոր հրամանատարը խոստովանում է, որ կորցրել է ընդամենը երեք բնակավայր (իրականում՝ ավելին)»,- հաղորդում է նա։

«Գուլյայպոլյեից հետո կլինի Օրեխովը։ Իսկ հետո, Կամիշևախայից և Ստեպնոգորսկից բացի, քիչ բան կլինի, որը կխանգարի Ռուսաստանի զինված ուժերին հասնել Զապորոժյեի հարավային ծայրամասերին։ Սա կազդի նաև Պոկրովսկոյե քաղաքի վրա։ Եթե թշնամին գրավի այն, նրանք կկարողանան հասնել Վոլնյանսկ։ Եվ դա կլինի թշնամու համար օպերատիվ և մարտավարական հաջողություն և իսկական աղետ մեզ համար»,- կարծում է Միրոշնիկովը։

Ընդհանուր առմամբ Միրոշնիկովը, իհարկե, ճիշտ է: Այդ թվում, որ Գուլյայպոլեի ուղղությամբ հարձակումն ուղղված է մարզկենտրոն Զապորոժեին: Միայն թե «անհասկանալի» է, որ ուկրաինական կողմը միայն հիմա է դա տեսնում: Մի բան, որն ակնհայտ էր ռուսների կողմից Վելիկայա Նովոսյոլովկան գրավելուց ի վեր:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝