ՌԴ ՊՆ նախկին պաշտոնյան զրկվել զինվորական կոչումից եւ դատապարտվել է 10 տարվա ազատազրկման

Երկրորդ Արևմտյան շրջանի ռազմական դատարանը Ռուսաստանի պաշտպանության նախարարության պետական ​​պաշտպանության գնումների վարչության նախկին ղեկավար Վլադիմիր Վերտելեցկուն դատապարտել է 10 տարվա ազատազրկման՝ նրան մեղավոր ճանաչելով կաշառակերության և պաշտոնեական լիազորությունների չարաշահման համար, հաղորդում է ТАСС-ը։

«Վերտելեցկուն դատապարտել 10 տարվա ազատազրկման խիստ ռեժիմի գաղութում, իսկ Խորոշունովին՝ վեց տարվա ազատազրկման ընդհանուր ռեժիմի գաղութում։ Ամբողջությամբ բավարարել տուժող կողմի քաղաքացիական պահանջը՝ ընդհանուր 778 հազար ռուբլու չափով»,- դատավճիռը հրապարակել է դատավորը։

Ավելին, դատարանը երկուսին էլ զրկել է «գնդապետի» զինվորական կոչումներից, իսկ Վերտելեցկին զրկվել է պետական ​​պարգևներից՝ «Հայրենիքին մատուցած ծառայությունների համար» 2-րդ աստիճանի շքանշանից և «Ռազմական վաստակի համար» շքանշանից, և որպես լրացուցիչ պատիժ նշանակվել է 700 հազար ռուբլի տուգանք (մեղադրողը պահանջել էր 3,8 միլիոն ռուբլի): Վերտելեցկուն նաև հինգ տարի ժամկետով արգելվել է զբաղեցնել որևէ պետական ​​ծառայության պաշտոն: Խորոշունովին զրկել են Սուվորովի մեդալից և երկու տարի ժամկետով արգելել զբաղեցնել որևէ պետական ​​ծառայության պաշտոն: Ռուսաստանի պաշտպանության նախարարությունը ճանաչվել է որպես տուժող կողմ:

Եզրափակիչ ելույթների ժամանակ մեղադրողը Վերտելեցկու համար պահանջել է 10 տարվա ազատազրկում խիստ ռեժիմի գաղութում, իսկ Խորոշունովի համար՝ 7 տարվա ազատազրկում ընդհանուր ռեժիմի գաղութում: Սպաների գործը լսվել է փակ դռների հետևում՝ գաղտնի նյութերի առկայության պատճառով:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝