«ՄԱՄ ՋԱՆ, ՄԱՐՏՈՒՆԻՆ ԿԱՐԾԵՍ ԴՐԱԽՏ ԼԻՆԻ, ՈՆՑ ԹՈՂՆԵՆՔ ԱԽՐ». ԱՆՄԱՀ ՀԵՐՈՍ-ՄԱՐԶԻԿ  ԳԱՐԻԿ ԱՐԵՎԻԿՅԱՆ

2020 թվականի Արցախյան 44-օրյա ահաբեկչական պատերազմում ցավոք կորցրեցինք հազարավոր լուսավոր երիտասարդների, նրանցից մեկն էլ ԳԱՐԻԿ ԷԴԻԿԻ ԱՐԵՎԻԿՅԱՆՆ էր, այսօր նոյեմբերի 7-ը նրա ծննդյան օրն է, կդառնար 28 տարեկան։ Անմահ հերոսի հուշարձանին են այցելել հարազատներ, ընկերներ, համագյուղացիներ, Փանիկի միջնակարգ դպրոցի ուսուցչական և աշակերտական կազմը, համայնքապետարանի աշխատակիցներ, ծաղիկներ խոնարհել ու խնկարկել։ Գարիկը ծնվել է 1997 թվականին, Շիրակի մարզի Արթիկի շրջանի Փանիկ գյուղում։

Անմահ հերոսի մայրը, վաստակաշատ մանկավարժ տիկին ՀԵՐՄԻՆԵՆ, խորը ցավը սրտում Iravunk. com -ի Շիրակի մարզի թղթակցի հետ զրույցում նշեց.

- «Գարիկս 8 տարեկանից սկսել է զբաղվել սպորտով, տարբեր մարզաձևերով։ 2015-ին ընդունվել է Հայաստանի Ֆիզիկական կուլտուրայի և սպորտի պետական ինստիտուտը։ 2017-2019 թթ. Ջիու - ջիթսու մարզաձևում Հայաստանում և միջազգային ասպարեզում բարձր է պահել Հայկական դրոշը, բազմիցս գրավելով առաջին հորիզոնականը։ 2019-ին կարմիր դիպլոմով ավարտել է ինստիտուտը և նույն թվականի հուլիսի 3-ին զինվորական ծառայության անցել Արցախի Մեխակավանում /Ջրական /, որդիս եղել է հրետանավոր, կրտսեր սերժանտ ։Վերջին անգամ ինձ զանգել է հոկտեմբերի 29-ին ասաց. «ՄԱՄ ՋԱՆ, ՄԱՐՏՈՒՆԻՆ  ԿԱՐԾԵՍ ԴՐԱԽՏ ԼԻՆԻ, ՈՆՑ ԹՈՂՆԵՆՔ ԱԽՐ»... Ուղիղ 5 տարի է  անցել, սակայն ես չեմ հաշտվում այս դառը իրականության հետ։ Ցավը մնում է ցավ ու երբեք չի սպիանում»։

Անմահ հերոս Գարիկ Արևիկյանը, պատերազմի թեժ օրերին Ջրականից տեղափոխվել է Հադրութ, ապա Մարտունի։ 1 ամիս 3 օր մասնակցել է ծաղր մարտերի ու անմահացել Քերթ գյուղում, 2020 թվականի հոկտեմբերի 30-ին անօդաչուի հարվածից։ Գարիկի Հարազատ դպրոցի բակում տեղադրվել է հուշակոթող, որը գալիք սերունդներին կպատմի անմահ հերոս - մարզիկի մասին։Երևանում ամեն տարի կայանում է անվանի մարզիկ Գարիկ Արևիկյանին նվիրված ջիու ֊ջիթսուի հուշամրցաշար։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝