Պրեմիերա՝ Վանաձորի «Բոհեմ» կամերային թատրոնում
ՄշակութայինՆոյեմբերի 10-ին, ժամը՝ 14:00-ին եւ 16:00-ին, Վանաձորի Շարլ Ազնավուրի մշակույթի պալատում տեղի կունենա Մարիա Կլարա Մաչադոի «Հրաշագործ ծաղիկը» մանկական գունեղ եւ երաժշտական ներկայացման պրեմիերան։
Բեմադրությունը՝ Ժիրայր Գաբրիելյանի եւ Հերիքնազ Բաղդասարյանի: Երաժշտական ձեւավորումը՝ Լիլիթ Հակոբյանի:
Ներկայացումը պատմում է բուժիչ եւ կախարդական ծաղիկի խորհրդավոր անհետացման մասին, որը միավորում է ընտանիքի անդամներին եւ նրանց հավատարիմ ընկերներին՝ միասին հաղթահարելու բոլոր փորձությունները։ Սա մի հեքիաթ է՝ սիրո, համերաշխության եւ բարության ուժի մասին։
«Բոհեմ» կամերային թատրոնի կոլեկտիվը միաժամանակ սկսել է նախապատրաստական աշխատանքներ նաեւ սպասվող ամանորյա ներկայացման համար։
