50 միլիոն դրամ՝ տոնածառի ճյուղերի ու լուսավորության համար

Այս տարի գլխավոր տոնածառի տեղադրման նախապատրաստական աշխատանքները Հանրապետության հրապարակում սովորականից շուտ են սկսվել, ինչը Երևանի քաղաքապետարանի աշխատակազմի առևտրի, ծառայությունների և գովազդի վարչության պետ Արմեն Առաքելյանը պայմանավորում է մանրակրկիտ աշխատանք պահանջող գործընթացով։

«2024 թվականին աշխատանքները սկսվել էին նոյեմբերի 5-ին, իսկ 2023-ին՝ նոյեմբերի 13-ին։ Այնպես չէ, որ այս տարի  աննախադեպ շուտ ենք սկսել: Կարելի է  դիտարկել, որ նույն ժամանակահատվածում ենք սկսել: Ինչու ենք հիմա սկսել  աշխատանքները, որովհետև տոնածառի տեղադրումը  ահագին երկար ու տարբեր մասերից կախված աշխատանք է: Այդ գործընթացը հավուր պատշաճի ենք իրականացնում, որ ընթացքում՝ լույսերի  վառման արարողությունից հետո մինչև տոնածառի հավաքելը որևէ խնդիր չունենանք: Հետոևաբար ամբողջական հավաքելու գործընթացը մեկ ամսից  մի քիչ ավելի է տևում»,- Aysor.am-ի հետ զրույցում ասաց Արմեն Առաքելյանը:

Այս տարի գլխավոր տոնածառի ճյուղերն ու լուսավորությունն ամբողջությամբ կփոխվեն: Քաղաքապետարանը դրա համար մոտ 50 միլիոն դրամ է ծախսել. «Ճյուղերը մասնակի մաշված են և ամբողջությամբ կփոխարինվեն։ Կթարմացվեն նաև լուսափնջերը ու լուսավորող վահանակները»:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝