Ինքնասպանության գույն է. Հոգեբանական ինչ ժեստ է դեղին վարդի ցուցադրումը

Հոգեբանական ի՞նչ ահազանգ է վերջին շրջանում Նիկոլ Փաշինյանի առավոտյան սրտիկները, որին օրերս գումարվել էր դեղին գույնի վարդի գլխիկը, հարցը ուղղել ենք հոգեբան Միհրդատ Մադաթյանին, ով նախ փորձեց վերլուծել դեղին գույնի ընտրությունը.

- Դեղին գույնը համարվում է ուշադրություն գրավող գույն, դրա համար էլ խորհրդային շրջանում և շատ երկրներում ոստիկանության մեքենաները ներկում էին դեղին։ Եթե տվյալ դեպքում կոստյումը սև գույն է, ապա դեղինը սևի հետ, եթե հոգեբանորեն նայենք, ինքնասպանության գույն  է դառնում, ինչպես մեղվինն է։ Մեղուն էլ է խայթում ու ինքնասպան լինում։ Այս փուլում չեմ կարող ու չեմ էլ ուզում վերլուծել Փաշինյանի հոգեվիճակը, քանի որ վերլուծելու համար մարդու հանդեպ պետք է կարեկցանք, էմպատիա ունենաս, որը ես չեմ կարող ունենալ նրա նկատմամբ:

Իսկ առհասարակ ակնհայտ է , որ ուշադրությունը գրավելու տարբեր ձևեր կան։ Օրինակ՝ կան ժեստեր, որոնք մարդիկ անում են, և դրանք հարգանքի արժանի են։ Եթե, օրինակ, փողոցով մի 60 տարեկան տկլոր տղամարդ էլ անցնի, ուզենք-չուզենք կնայենք նրան։

Կրծքային գրպանում ծաղիկ դնում են որոշակի արարողությունների ժամանակ,  օրինակ՝ հարսանիքի: Երբեք կոստյումի գրպանում ծաղիկ չեն դնում ու գնան աշխատանքի։ Ակնհայտ երևում է, որ հատուկ քայլ է արվել՝ ուշադրություն գրավելու համար։ Ինչ վերաբերում է հենց վարդին, ապա այն միշտ ունեցել է գերալդիկական նշանակություն և օգտագործվել է գերբերի մեջ, հիմնականում լիլիան ու վարդը, սակայն օգտագործելու դեպքում կա՛մ անգույնն է օգտագործվում, կա՛մ կարմիրը։ Ժողովրդի մեջ խոսք կա, որ դեղին վարդն ատելության նշան է, որը հիմնավորում չունի։ Դեղին վարդը ոչ մի երկրի գերալդիկայի մեջ չի օգտագործվել, խորհրդանշում չունի։

Ամփոփելով խոսքը հոգեբանը նկատում է.

- Հիմա նա խնդիր ունի մի կերպ մարդկանց ուշադրությունը գրավելու։ Օրինակ՝ չեմ զարմանա, որ վաղը որոշի շալվարն իջացնել ու առավոտյան ռիլն այդպես նկարել, ասելով՝ «ալե- հոպ»։ Սա էլ կլինի տարբերակ: 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝