Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

UBPay-ը համագործակցություն է սկսել դրամական փոխանցումների iSend համակարգի հետ

Տնտեսություն

UBPay հայաստանյան վճարահաշվարկային համակարգը համագործակցություն է սկսել միջազգային դրամական փոխանցումների ուղղությամբ մասնագիտացված iSend խոշորագույն ընկերության հետ: Նոր համագործակցությունն ընդլայնում է UBPay-ի հաճախորդների հնարավորությունները՝ դրամական փոխանցումները հասանելի դարձնելով դեպի ԱՄՆ, Կանադա, Հնդկաստան, Ավստրալիա, Սինգապուր և եվրոպական երկրներ:  

Հայաստանից փոխանցումները հասանելի են ինչպես UBPay-ի գործընկերների սպասարկման կետերում, այնպես էլ բանկերի մոբայլ հավելվածների միջոցով: Փոխանցումներն իրականացվում են դրամով, ԱՄՆ դոլարով կամ եվրոյով և տրամադրվում ստացման երկրի ազգային արժույթով: Հաճախորդները կարող են ընտրել գումարը ստանալու իրենց հարմար եղանակը՝ բանկային հաշվեհամարին, էլեկտրոնային դրամապանակին կամ կանխիկ:

«iSend-ի հետ  համագործակցությունը կարևոր քայլ է UBPay-ի ռազմավարական զարգացման և անվտանգ և մատչելի միջազգային փոխանցումներ ապահովելու գործում։ Մենք ձգտում ենք մեր հաճախորդներին առաջարկել տարբերակների առավելագույն լայն ընտրություն և շահավետ պայմաններ», - նշեց UBPay-ի տնօրեն Սեյրան Սարգսյանը:

2025թ. առաջին կիսամյակում, համեմատած 2024 թվականի նույն ժամանակահատվածի հետ, Հայաստանում դրամական փոխանցումների ծավալն աճել է 6,7%-ով, ինչը վկայում է ոլորտի դինամիկ զարգացման մասին: UBPay-ը պլանավորում է դրամական փոխանցումների շուկայում իր դիրքերի ամրապնդում և միջազգային համագործակցության հետագա ընդլայնում:

«Այսօր մեզ բաժին է ընկնում Հայաստանի դրամական փոխանցումների շուկայի մեկ երրորդը: Մեր ինտուիտիվ ընկալելի API-ն ապահովում է բանկերի և ծառայությունների հեշտ ինտեգրում՝ թույլ տալով նրանց մատուցել անվտանգ և արդյունավետ ծառայություններ: Մանրամասն փաստաթղթավորման և աջակցության շնորհիվ մենք մեր գործընկերների համար հնարավորինս պարզեցնում ենք ինտեգրման գործընթացը»,- ավելացրեց Սեյրան Սարգսյանը:

UBPay-ը փոխանցումների ապահով հարթակ է՝ մշակված բանկերի և դրամական փոխանցման համակարգերի համար Հայաստանում և ամբողջ աշխարհում: Դառնալով UBPay-ի գործընկեր՝ ընկերությունները կարող են ընդլայնել ծառայությունների ցանցը, ստանալ մրցակցային առավելություն և մեծացնել եկամուտը:

UBPay համակարգի օպերատորն է Յունիբանկը:

iSend-ը դրամական փոխանցումների ոլորտի համաշխարհային առաջատարներից է, որը դրամական փոխանցումներ է իրականացնում ավելի քան 100 երկիր: Ընկերությունը համատեղում է նորարարական տեխնոլոգիաները հաճախորդակենտրոն մոտեցման հետ՝ ապահովելով միջազգային փոխանցումների անվտանգության և արդյունավետության բարձր մակարդակ:

 

Հավանեցի՞ր հոդվածը, կիսվիր ընկերներիդ հետ