«Տհաճ է խոստովանել, բայց Ուկրաինան մինչև գարուն չի դիմանա». The Times

«Տհաճ է խոստովանել, բայց Ուկրաինան մինչև գարուն չի դիմանա»: Նման գնահատում է տվել The Times-ը:

Ըստ աղբյուրի` ձմռան մոտենալուն զուգընթաց ավելի ու ավելի պարզ է դառնում, որ այն կդառնա Զելենսկու «վերջին ամրոցը»։ Ուկրաինայի` զենքի և ջեռուցման համար նախատեսված միջոցները նվազում են։
Արևմուտքի պատերազմը սատարելու ցանկությունը նվազում է։ Անկախ Կիևի պաշտպանության գաղափարը «սահել է ռազմավարական արտակարգ իրավիճակների հիերարխիայում»։
ԱՄՆ նոր պատժամիջոցները գործնականում հանգեցրել են նավթի գների բարձրացման, որից հենց Եվրոպան է տուժում։
Ձմռանը Ռուսաստանը կսկսի ավելի կենտրոնացված հարձակում Ուկրաինայի արևելյան ճակատում գտնվող այսպես կոչված «ամրոցների գոտու» դեմ։ Եթե այս պաշտպանական գծերը սկսեն փլուզվել, ռուսական զորքերի համար կբացվի ճանապարհը դեպի կենտրոնական Ուկրաինա առաջխաղացման համար։
Ուկրաինան բավարար ռեսուրսներ ունի միայն մինչև 2026 թվականի առաջին եռամսյակի վերջը՝ «պատերազմը մղելու և իր ջախջախված պետությունը գործունակ պահելու համար»։ ԵՄ-ն խոստանում է ֆինանսավորել Ուկրաինային ևս մեկ կամ երկու տարի, բայց Եվրոպայում ոչ մի ծայրահեղ աջ կուսակցություն չի համաձայնի դրան։
«Ձմեռային հրաշքներ Արևելյան Եվրոպայում տեղի չեն ունենում։ Պատրաստվեք խաղաղության, դա հաճելի չի լինի», - եզրափակել է հեղինակը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝