Դարչինով սուրճը կարգավորում է արյան մեջ շաքարի մակարդակը

Սուրճի մեջ շաքարից դարչինի, կոկոսի յուղի կամ քերած սև շոկոլադի անցումը կարող է օգնել բարձրացնել էներգիան և վերահսկել արյան մեջ գլյուկոզի մակարդակը: Ըստ Daily Mirror-ի՝ դրա մասին պատմել է գաստրոէնտերոլոգ Սաուրաբհ Սեթին:

Բժիշկը նշում է, որ դարչինը հարուստ է հզոր հակաօքսիդանտներով՝ նյութեր, որոնք օգնում են պաշտպանել օրգանիզիմի բջիջները վնասումից և դանդաղեցնել ծերացման գործընթացը: Ավելին, այդ արտադրանքը կարող է նվազեցնել արյան մեջ շաքարի կտրուկ տատանումների վտանգը:

Մեկ այլ խորհուրդ տրվող բաղադրիչ է MCT յուղը (կոկոսից ստացված միջին շղթայի ճարպաթթվային զտամասն են, որոնք ավելի արդյունավետ են ներծծվում, քան երկար շղթայի ճարպերը: MCT յուղը յուղալի հեղուկ է, որը կարող է ավելացվել աղցաններին, սուրճին և թխվածքաբլիթներին) կամ միջին շղթայի տրիգլիցերիդները: Այդ տեսակի ճարպն արագ տեղափոխվում է լյարդ և վերածվում ակնթարթային էներգիայի աղբյուրի կամ կետոնների՝ նյութերի, որոնք օգնում են բարելավել նյութափոխանակությունը և աջակցել ուղեղի առողջությանը:

Լրացուցիչ օգուտների համար Սեթին խորհուրդ է տալիս սուրճին ավելացնել քերած սև շոկոլադ: Այն պարունակում է հակաօքսիդանտային հատկություններով օրգանական միացություններ, որոնք օգնում են իջեցնել «վատ» (Low density lipoprotein, LDL) խոլեստերինը: Շոկոլադի մեջ պարունակվող հակաօքսիդանտները, ինչպես դարչինի մեջ պարունակվողները, կանխում են բջջային վնասը, նպաստում են անոթային և ուղեղի առողջությանը և բարելավում արյան մեջ շաքարի մակարդակի վերահսկողությունը։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝