Լինելով ՀԱԵ նախկին աբեղա, հպարտանում ես, որ «մեղքի դեմ պայքարել չգիտես», ապշելու հայտարարություն. Ալլա Հակոբյան

Նոր պարզեցի, որ Հայաստանում 24/7 ռեժիմով գաղտնալսվում են ՀԱԵ հոգեւորականները: Դրանցից մեկը լսեցի նիկոլի լրատվականով, ուր Ն.Ս.Օ.Տ.Տ. Գարեգին Երկրորդ Ծայրագույն Պատրիարք եւ Ամենայն Հայոց Կաթողիկոսի նախկին գավազանակիր Աղան աբեղա Երնջակյանը դժգոհում է, որ իրեն ուղարկել են Վանաձոր Մատուռում ծառայելու: Ավելին, սովորական աշխարհիկի պես չի էլ թաքցնում իր ՆԱԽԱՆՁԸ, թե բա այսինչին ուղարկեցիք Երեւան, դե, ինձ էլ ուղարկեիք Երեւան ծառայելու, ես ընտանեկան խնդիրներ ունեմ, ես պետք է իմ որդեկորուս մորը պահեմ... Այո, ծանր է վիշտը եւ ցավալի...

 

Բայց ես ունեմ ուրիշ օրինակ...

 

Ես տեսել եմ Լիդա Առուշանյանին... Նա հիվանդ-հիվանդ գալիս եւ մասնակցում էր հականիկոլական ցույցերին... Որովհետեւ նա գիտակցում էր, որ Նիկոլի դեմ ինքը պայքարում է ոչ թե որպես ինչ-որ անձի, այլ մի չարիքի, որը կործանում է ողջ Հայաստանը եւ, իհարկե, այդ կործանման ՎԵՐՋՆԱՆՊԱՏԱԿ` Հայ Առաքելական Եկեղեցին:

 

Իսկ դո՛ւ, կամավոր ընտրելով Աստծուն ծառայելու ուղին եւ լինելով ՀԱԵ նախկին աբեղա, ՀՊԱՐՏԱՆՈՒՄ ես, որ «մեղքի դեմ պայքարել չգիտես»: Ապշելու հայտարարություն, քանի որ դեռ առաջին դարից քրիստոնեությունը քարոզում է ետ կանգնել մեղքից... Դա ի՛նչ է, եթե ոչ պայքար մեղքի դեմ....

 

Թող Աստված բոլորիս դատի Իր Դատաստանի օրը... Ուղղակի ափսոսում եմ, թե քանի-քանիսը եկան ճեմարան ոչ թե Աստծո՛ւն ծառայելու եւ մեղքից մարդկանց ետ պահելու համար, այլ պարզապես իրենց ընտանեկան խնդիրները բարելավելու նպատակով... Օրինակ վերցրեք Լիդա Արուշանյանից, ով մեն-մենակ` բայց գլուխը բարձր, կանգնած է Նիկոլի դեմ...

Ո՛չ, սխալվեցի...

Նա մենակ չէ՛...

Նա մշտապես Աստծո՛ հետ է...

Իր խոնարհ հնազանդությամբ...

Եվ իր ծանրագույն Խաչը ձեռքին...

 

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝