Երկաթուղով Ռուսաստանից` ԱՄՆ. Նման է, որ Պուտին-Թրամփի թունելը ռեալ է

Ռուսաստանի նախագահի հատուկ ներկայացուցիչ Կիրիլ Դմիտրիևը խոսել է Բերինգի նեղուցով Ռուսաստանը և Ալյասկան կապող թունելի կառուցման հեռանկարների մասին:

Ըստ Դմիտրիեւի, Boring Company-ի (Իլոն Մասկի ընկերություններից է) ժամանակակից տեխնոլոգիաների շնորհիվ այս թունելը կարող է դառնալ Պուտին-Թրամփի թունել, որը կապում է Եվրասիան և Ամերիկան՝ 8 միլիարդ դոլարից պակաս արժեքով։
Դմիտրիևը նաև նշել է, որ թունելը կարող է կառուցվել ութ տարուց էլ պակաս ժամանակում՝ ցուցադրելով առաջատար տեխնոլոգիաներ։

8 միլիարդի ներդրումը, իհարկե, ԱՄՆ-ի եւ ՌԴ-ի համար մեծ խնդիր չէ: Բայց փոխարենը նման թունելի, որն ԱՄՆ-ն երկաթուղով կկապի մի կողմից` ասիական գոտու, մյուս կողմից` Եվրոպայի հետ, տնտեսական արդյունավետությունը տրիլիոնավոր դոլարների կհասնի:

Այն, որ Ալյասկայի հանդիպման ժամանակ խոսվել է ինչպես ՌԴ-ԱՄՆ երկաթուղու, այնպես էլ` Հյուսիսային ծովային ուղու (Չինաստանի ներգրավմամբ) մեգածրագրերի մասին, ժամանակին ենթադրություն ներկայացնելու առիթ ունեցել ենք: Ամեն դեպքում, երբ ԱՄՆ-ի հետ բանակցությունենրում ՌԴ նախագահի ներկայացուցիչը խողում է կոնկրետ թվերի եւ ժամկետների մասին, դա նշանակում է, որ նախագիծը նաեւ գոնե նախնական մասնագիտական փորձաքննություն է անցել:

Ի դեպ, հիշեցնենք, որ օրերս տեղի ունեցավ Հյուսիսային ծովային ուղու հերթական փորձարկումը: Չինաստանից բոռնափոխադրող նավը 20 օրում հասավ Բրիտանիա, երբ Հարավային ուղին պահանջում է առնվազն 40-45 օր: Ծախսերն էլ, բնական է, կրճատվում են համապատասխան չափով: Ընդ որում, նույն նավն Ալյասկայի հատվածից Բրիտանիա է հասել 14 օրում: 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝