Ուկրաինական խաղաղության թեման կտրուկ կակտիվանա

Են­թադ­րութ­յուն­նե­րը, որ Գա­զա­յից հե­տո (Տես նաեւ https://iravunk.com/?p=325267&l=am) Թ­րամփն ան­մի­ջա­պես անց­նե­լու է ուկ­րաի­նա­կան թե­մա­յին, գնա­լով միայն նոր հիմ­նա­վո­րում­ներ են ստա­նում: Այդ մա­սին խո­սեց նաեւ ան­ձամբ Թ­րամ­փը: Ու հի­մա էլ  շրջա­նառ­վում են խո­սակ­ցութ­յու­ններ, որ նա, ա­ռանց ժա­մա­նակ կորց­նե­լու, ար­դեն այ­սօր-վա­ղը Axios-ի Ս­պի­տակ տանն ըն­դու­նե­լու է Զե­լենս­կուն:

Ին­չի՞ մա­սին է պա­տրաստ­վում այս ան­գամ Թ­րամ­փը խո­սել Զե­լենս­կու հետ: Հա­զիվ թե Կիե­ւին «Տո­մա­հավկ» հրթիռ­ներ տա­լու, նաեւ հաշ­վի առ­նե­լով Մեդ­վե­դե­ւի մի­ջո­ցով Մոսկ­վա­յի հստակ, միան­շա­նակ պա­տաս­խա­նը, ո­րը, ա­սենք, ի սկզբա­նե էլ պարզ էր: Այս­պես, ըստ Մեդ­վե­դե­ւի՝ նախ ե­թե «Տո­մա­հավկ» հրթիռ­նե­րը մա­տա­կա­րար­վեն Ուկ­րաի­նա­յին, ա­պա դրա օգ­տա­գոր­ծո­ղը չի լի­նի Կի­եւը, այլ կլի­նի Միաց­յալ Նա­հանգ­նե­րը: Ու սրա­նից բխող ա­մե­նագլ­խա­վոր միտ­քը. «Հար­յուր ան­գամ աս­վել է, նույ­նիսկ աստղաշեր­տա­վոր հա­մազ­գես­տով մար­դու հա­մար հաս­կա­նա­լի ձեւով, որ անհ­նար է տար­բե­րա­կել մի­ջու­կա­յին «Տո­մա­հավկ» հրթի­ռը թռիչ­քի ժա­մա­նակ սո­վո­րա­կա­նից։ Դ­րանք ար­ձա­կո­ղը կլի­նի ոչ թե Բան­դե­րա­յի Կի­եւը, այլ Միաց­յալ Նա­հանգ­նե­րը։ Կար­դա­ցեք՝ Թ­րամ­փը։ Ինչ­պե՞ս պետք է ար­ձա­գան­քենք Ռու­սաս­տա­նին։ Հենց այդ­պես»:

Ի­մաս­տը միան­շա­նակ է. «Տո­մա­հավկ»-ի ցան­կա­ցած ար­ձա­կում Ռու­սաս­տա­նը պար­զա­պես ստիպ­ված կլի­նի ըն­կա­լել` որ­պես երկ­րի դեմ մի­ջու­կա­յին հար­ձա­կում. հր­թիռն այդ պա­հին ու­նի մի­ջու­կա­յին մար­տագլ­խիկ, թե՝ ոչ, «անհ­նար է տար­բե­րա­կել»: Ըստ այդմ, մի­ջու­կա­յին մար­տագլ­խիկ կրե­լու ու­նակ ցան­կա­ցած հրթի­ռի հայտ­նվե­լը ըն­կալ­վում է` որ­պես մի­ջու­կա­յին հար­ված: Իսկ հար­ված հասց­նող, էս գլխից է բա­ցատր­վում, Մոսկ­վան կհա­մա­րի ԱՄՆ-ին: Հե­տե­ւան­քնե­րը լի­նե­լու են մե­խա­նի­կո­րեն՝ ըստ ռազ­մա­կան դոկտ­րի­նի պար­տադ­րան­քի: Այն է՝ դե­պի Ռու­սաս­տան «Տո­մա­հավկ»-ի թռիչ­քի փաս­տը ֆիքս­վե­լուն պես կհասց­վի պա­տաս­խան հար­վա­ծը: Ընդ ո­րում, ուղղ­ված ինչ­պես ար­ձակ­ման գո­տուն, այն­պես էլ՝ ար­ձա­կո­ղին, ո­րը, կրկնենք, Մոսկ­վան կհա­մա­րի Վա­շինգ­տո­նին:

Ս­րա­նից պարզ բա­ցատ­րութ­յուն չի լի­նում. այն պա­հին, երբ Թ­րամ­փը կհայ­տա­րա­րի Կիե­ւին «Տո­մա­հավկ» հրթիռ­ներ տա­լու մա­սին, Ռու­սաս­տա­նը դա կըն­կա­լի որ­պես մի­ջու­կա­յին հար­ձակ­ման ռեալ սպառ­նա­լիք՝ թիմ 1 պատ­րաս­տութ­յան բե­րե­լով իր ստրա­տե­գիա­կան ու­ժե­րը, ին­չը նույն­պես մի­ջու­կա­յին դոկտ­րի­նի պար­տադ­րանք է: Իսկ այն պա­հին, երբ կֆիքս­վի այդ հրթի­ռի թռիչ­քը, կրկնենք, կհե­տե­ւի պա­տաս­խան հար­ված: Եվ, ի­հար­կե, այս նյո­ւանս­նե­րին Թ­րամ­փը, որ­պես «մի­ջու­կա­յին ճամպ­րու­կի» կրող, տի­րա­պե­տում է բո­լո­րից էլ լավ: Այ­սինքն, են­թադ­րել, թե նա Կիե­ւին «Տո­մա­հավկ»-ներ տա­լու մա­սին պար­բե­րա­բար խո­սում է Մոսկ­վա­յին վա­խեց­նե­լու հա­մար, միամ­տութ­յուն է: Աք­սիո­մա է, Կիե­ւին «Տո­մա­հավկ»-ներ տա­լը նույն­քան մա­հա­ցու վտանգ է Վա­շինգ­տո­նի հա­մար, որ­քան Մոսկ­վա­յի, դա Եր­րորդ հա­մաշ­խար­հա­յին պա­տե­րազմ է, եւ նման բա­նե­րով աշ­խար­հի եր­կու ա­ռա­ջա­տար երկր­նե­րը հաս­տատ մի­մյանց չեն վա­խեց­նի:

Այդ դեպ­քում, Թ­րամփն ին­չո՞ւ է մի գլուխ խո­սում «Տո­մա­հավկ»-նե­րի մա­սին, ե­թե ոչ ռուս­նե­րին վա­խեց­նե­լու: Կա­րող են տար­բեր պա­տաս­խան­ներ լի­նել. Զե­լենս­կու հետ է խա­ղում, կամ գլո­բա­լիստ­նե­րի, թե ու­զում եք «Տո­մա­հավկ»-նե՞ր տամ Կիե­ւին, «տա­լիս» եմ, տես­նեմ ինչ եք այդ ժա­մա­նակ ա­նե­լու:

­Կարճ ա­սած, ե­թե ի­րոք նա այս շա­բաթ­վա ըն­թաց­քում պատ­րաստ­վում է հան­դի­պել Զե­լենս­կու հետ, ա­պա հաս­տատ «Տո­մա­հավկ»-նե­րի կամ սպա­ռա­զի­նութ­յան այլ տե­սակ­ներ Կիե­ւին տա­լու մա­սին չէ, որ խո­սե­լու են: Վա­շինգ­տոնն ար­դեն տվել է կամ տա­լիս է այն ա­մե­նը, ին­չը կա­րող էր, ու հա­սել է այն սահ­մա­նագ­ծին, ո­րից այն կողմ ար­դեն Եր­րորդ հա­մաշ­խար­հա­յինն է: Ու չնա­յած այդ ողջ տրա­մադր­վա­ծին, ուկ­րաի­նա­կան պա­տե­րազ­մի ըն­թացքն այն փու­լում է, որ ռու­սա­կան ու­ժերն ար­դեն պատ­րաստ­վում են մի շարք ուղ­ղութ­յուն­նե­րում (­Զա­պո­րո­ժիե, հա­րա­վա­յին Դ­նեպ­րո­պետ­րովսկ, Պոկ­րովսկ-­Դոբ­րո­պո­լե, Հ­յու­սի­սա­յին Դոն­բաս, Խար­կո­վի մարզ) դուրս գալ օ­պե­րա­տիվ տի­րույթ: Իսկ այդ դեպ­քում առն­վազն մին­չեւ Դ­նեպր գետն ու հա­րա­վում՝ մին­չեւ Օ­դե­սա-­Մերձդ­նեստր հատ­ված ռու­սա­կան բա­նա­կին կանգ­նեց­նե­լու հե­ռան­կար­նե­րը դառ­նում են չա­փա­զանց մշու­շոտ: Այ­սինքն, Ա­րեւ­մուտ­քի եւ, մաս­նա­վո­րա­պես, ԱՄՆ-ի հա­մար չա­փա­զանց մե­ծա­ցել է ռիս­կը, որ ար­դեն մո­տա­կա ա­միս­նե­րին պա­տե­րազ­մի ել­քը կա­րող է ո­րոշ­վել ռազ­մա­ճա­կա­տում, ո­րի դեպ­քում հա­մար­ժե­քո­րեն նվա­զե­լու է նույն Ա­րեւ­մուտ­քի՝ քա­ղա­քա­կան մի­ջամ­տութ­յան հնա­րա­վո­րութ­յու­նը:

Այս­պի­սով, ստեղծ­վել է մո­տա­վո­րա­պես նման ի­րո­ղութ­յուն: Կա´մ­ այս պա­հին պետք է կանգ­նեց­նել պա­տե­րազ­մը՝ Մոսկ­վա­յին տա­լով այն, ո­րին նա դեռ Ալ­յաս­կա­յում հա­մա­ձայն էր, բայց մի­գու­ցե ար­դեն ա­վե­լին պա­հան­ջի, կա´մ վաղն ար­դեն կա­րող է նաեւ դրա հնա­րա­վո­րութ­յու­նը չլի­նել: Այ­սինքն, ան­կախ այն բա­նից, թե հրա­պա­րա­կա­յին դաշ­տում ինչ է ներ­կա­յաց­վե­լու, բայց որ հենց այս մո­տե­ցումն է Թ­րամ­փը դնե­լու Զե­լենս­կու հնա­րա­վոր հան­դիպ­ման հիմքում, դա ա­մե­նա­հա­վա­նա­կան տար­բե­րակն է թվում:

Ու մյուս կող­մից, Զե­լենս­կու հա­մար եւս նկա­րագր­ված ռազ­մա­ճա­կա­տա­յին ի­րո­ղութ­յուն­ներն ար­դեն էա­պես նվա­զեց­րել են այն քա­ղա­քա­կան մա­նեւ­րա­կա­նութ­յու­նը, որն ու­ներ դեռ, ա­սենք, մեկ ա­միս ա­ռաջ, երբ դեռ իր հիմ­նա­կան ստո­րա­բա­ժա­նում­նե­րը չէր նե­տել, ինչ­պես ուկ­րաի­նա­ցի­ներն են ա­սում, «Պոկ­րովս­կի ջրապ­տույ­տում» ան­հե­տա­նա­լու: Այն դեպ­քում, երբ ա­ռանց այդ էլ միայն այս տար­վա ըն­թաց­քում ուկ­րաի­նա­կան բա­նա­կը դա­սալ­քել է մոտ 300 հա­զա­րի կար­գի մարդ: Ու դրան էլ գու­մա­րած, ռուս­ներն ա­րա­գո­րեն զրո­յաց­նում են ուկ­րաի­նա­կան է­ներ­գե­տի­կան, գա­զա­յին հա­մա­կար­գը, կա­րե­ւոր կո­մու­նի­կա­ցիոն հան­գույց­նե­րը, եր­կա­թու­ղին՝ շար­ժա­կազ­մե­րով հան­դերձ, որն ար­դեն այս ձմե­ռա­յին ա­միս­նե­րին կա­րող է բե­րել նե­րուկ­րաի­նա­կան կա­տաստ­րո­ֆիկ վի­ճա­կի եւ ներ­քին ան­ցում­նե­րի: Ու այդ հե­ռան­կար­ներն աչ­քի ա­ռաջ ու­նե­նա­լով, ե­թե հեր­թա­կան ան­գամ նվա­զեց­նի զո­րա­կո­չա­յին տա­րիքն ու փոր­ձի այդկերպ կա­յու­նաց­նել բա­նա­կը, ա­պա նե­ր­քին ցնցում­նե­րը կա­րող են դառ­նալ ան­խու­սա­փե­լի:

Ա­հա, մո­տա­վո­րա­պես այս ի­րա­վի­ճա­կում է, որ Թ­րամ­փը վերսկ­սում է ա­մեն կերպ Ուկ­րաի­նա­յում պա­տե­րազ­մը դա­դա­րեց­նե­լու հար­ցով ակ­տի­վութ­յու­նը: Հ­նա­րա­վո­րութ­յուն, ի­հար­կե, կա: Բայց այդ դեպ­քում պետք է շատ ա­վե­լի լուրջ պայ­մա­նա­վոր­վա­ծութ­յուն­նե­րի գնալ Մոսկ­վա­յի հետ, քան ան­գամ այն մա­կար­դա­կը, ո­րը կա­ր Ալ­յաս­կա­յի բա­նակ­ցութ­յուն­նե­րում: Ընդ ո­րում, խոս­քը ոչ թե միայն Ուկ­րաի­նա­յի, այլ՝ հա­մա­կող­մա­նի պայ­մա­նա­վոր­վա­ծութ­յու­նն­երի մա­սին է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝