Վաղարշապատում գեներալ Մանվել Գրիգորյանի դուստրն առաջադրվել է ավագանու թեկնածու

 

«Վաղարշապատի խոշորացված համայնքում նոյեմբերի 16- ը պատմական օր է։ Այդ օրն իր ձայնն է բարձրացնելու հայի տեսակը՝ թասիբով ու արժանապատիվ հայը։

 

Այդ օրն անհայրենիք ստահակները պետք է իրենց «հաղթանակը» տեսնեն պարտված՝ ինչպես 44-օրյա պատերազմի ժամանակ մեզ՝ հայերիս խաբում էին «հաղթելու ենք» բարբաչանքով, բայց ունեցանք պարտություն՝ այն էլ ո՛չ ավել, ո՛չ պակաս կապիտուլյացիայի ենթարկեցին Արցախը ու շարունակում են հանձնել Հայաստանի Հանրապետության ինքնիշխան տարածքները։

 

Եթե այդ ստահակների թեկնածուն մոռացել է իր հոր՝ Մեխակ Մեխակյանի հերոս մարտական ուղին՝ Մեխակավան բարձունքը, ուր ամեն տարի Զորավար Մանվել Գրիգորյանն իր երկրապահների հետ ծաղիկներ էր դնում հոր զոհված վայրում ու պարտադրում թշնամուն հարգել Արցախի համար նահատակված հերոս տղերքին, ապա «Ժառանգություն» կուսակցության ավագանու թեկնածու՝ Այծեմնիկ Գրիգորյանը պատվով, առաքելությամբ տանելու է իր հոր թողած սուրբ խաչը ու իր հետ տանելու է այն ընտրազանգվածին, ում համար հայրենիքը սրբություն է։

 

Ուրեմն՝ ի պատիվ վաղարշապատցիների՝ աշխարհին պիտի ցույց տանք, որ հայը նույն հայն է, ոչինչ չի փոխվել ու չի կարող երբեք մոռանալ իր պատմությունն ու անցյալը։ Խաղաղություն չեն մուրում՝ խաղաղություն պարտադրում են», - նշել է նա։

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝