Այսօր Երեւանը նշում է իր տարեդարձը

Ավանդաբար այս տոնը դարձել է ոչ միայն քաղաքի, այլև ամբողջ երկրի սիրելի միջոցառումը, որը համախմբում է հազարավոր մարդկանց՝ հիշեցնելով, որ Երևանը ոչ միայն պատմություն ունի, այլև զգացողություն է՝ սեր, հիշողություն և մշտապես նոր ծնվող էներգիա։

Երևանի քաղաքապետարանի նախաձեռնությամբ ամբողջ մայրաքաղաքը կվերածվի բաց բեմի։ Տարբեր համայնքներում կկազմակերպվեն տոնական միջոցառումներ, իսկ երեկոյան գլխավոր բեմը կտեղադրվի Հանրապետության հրապարակում, որտեղ կկայանա մեծ գալա համերգ՝ հայ բեմի առաջատար արտիստների մասնակցությամբ։

«Էրեբունի-Երևան 2807»

Սիրելի՛ երևանցիներ և մայրաքաղաքի հյուրեր,

հրավիրում ենք ձեզ միասին տոնելու մայրաքաղաքի 2807-ամյակը։

Հոկտեմբերի 12-ին՝ կեսօրից Երևանի տարբեր հատվածները կվերածվեն մեծ տոնական վայրերի՝ սիրված և հայտնի արտիստների մասնակցությամբ: Քաղաքի տարբեր հատվածներում՝ Նոր Նորքում, Արաբկիրում, Ավան համայնքում և Հրազդանի կիրճի տարածքում, կանցկացվեն տոնավաճառներ, ցուցահանդեսներ, բացօթյա պարեր և խաղեր երեխաների համար։

Ժամը 21։00-ին Հանրապետության հրապարակում տեղի կունենա օրվա գլխավոր միջոցառումը՝ եզրափակիչ տոնական համերգը, արտիստների մասնակցությամբ և տպավորիչ լույսային շոուով, որը կավարտվի շքեղ հրավառությամբ»։

Հիշեցնենք, որ Երևանի քաղաքապետարանից տեղեկացնում են, որ «Էրեբունի-Երևան 2807» տոնակատարության միջոցառումներով պայմանավորված՝ որոշ փողոցներ փակ կլինեն:

Մինչև հոկտեմբերի 13-ը՝ ժամը 06:00-ն, փակ են լինելու Հանրապետության հրապարակ մտնող Տիգրան Մեծի պողոտան և Նալբանդյան փողոցը։

Հոկտեմբերի 12-ին՝ մինչև 24:00-ն, երթևեկության համար փակ է լինելու Հանրապետության հրապարակն ամբողջությամբ։

Մինչև հոկտեմբերի 12-ը՝ ժամը 24:00-ն, փակ է լինելու Սախարովի հրապարակն ամբողջությամբ։

Հոկտեմբերի 12-ին՝ մինչև 24:00-ն, երթևեկության համար փակ կլինեն նաև Հյուսիսային պողոտային հարող Տերյան և Պուշկինի փողոցները։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝