Ինչպես են նշել Աբովյանի դրամատիկական թատրոնի 45-ամյակը
Մշակութային
Հոկտեմբերի 6-ին Աբովյանի դրամատիկական թատրոնում անցկացվեց թատրոնի հիմնադրման 45-ամյակին նվիրված հանդիսավոր երեկո: Միջոցառմանը ներկա էին ՀՀ Կրթության, գիտության, մշակույթի և սպորտի նախարարի տեղակալ Դանիել Դանիելյանը, Կոտայքի մարզպետարանի և Աբովյանի համայնքապետարանի կրթության ու մշակույթի բաժինների պատասխանատուներ, հյուրեր և թատերական գործիչներ:
Երեկոյի ընթացքում ցուցադրվեց թատրոնի պատմությունը ներկայացնող փաստագրական ֆիլմ, ներկայացվեցին թատերական մանրապատումներ թատրոնի խաղացանկից: Թատրոնի տնօրեն Արմեն Սարգսյանը շնորհակալագրերով պարգևատրեց Աբովյան համայնքի ղեկավար Էդուարդ Բաբայանին՝ թատրոնի կողքին լինելու և մշակութային կյանքի զարգացմանն աջակցելու համար: Պարգևատրվեցին նաև նախարարի տեղակալ Դանիել Դանիելյանը, Կոտայքի մարզպետ Ահարոն Սահակյանը և ՀԹԳՄ նախագահ Հակոբ Ղազանչյանը:
Միջոցառման ընթացքում առանձնահատուկ շնորհակալության արժանացան թատրոնի երկարամյա աշխատակիցներ՝ դերասանուհի Զոյա Աղաջանյանը և ներկայացումների կոմպոզիտոր Վահե Հայրապետյանը: ՀԹԳՄ նախագահ Հակոբ Ղազանչյանը թատրոնին պարգևատրեց ՀԹԳՄ ոսկե մեդալով՝ վերջին տարիներին ունեցած լուրջ ստեղծագործական ձեռքբերումների համար և հոբելյանի առթիվ:
ՀԹԳՄ-ի անունից հանդիսությանը մասնակցեց և ողջույնի խոսք ասաց ՀԹԳՄ նախագահի տեղակալ Սոնա Մելոյանը, ով բարձր գնահատեց թատրոնի կոլեկտիվի բազմամյա գործունեությունը և մաղթեց շարունակական ստեղծագործական հաջողություններ:
Աբովյանի դրամատիկական թատրոնը հիմնադրվել է 1980 թվականին՝ մշակույթի պալատի «Հայելի» ժողթատրոնի հիմքի վրա և տարիների ընթացքում դարձել է քաղաքի մշակութային կյանքի անբաժան մասը՝ բեմադրելով հայ և արտասահմանյան հեղինակների գործեր, պահպանելով ավանդույթները և հաղթահարելով դժվար ժամանակներ:
Այսօր թատրոնի տնօրինությունը վստահված է բեմադրիչ Արմեն Սարգսյանին: Նրա հետևողական ստեղծագործական և կազմակերպչական աշխատանքի շնորհիվ թատրոնը վերածնվել է և դարձել մշակութային կարևոր հարթակ՝ նոր շունչ հաղորդելով Աբովյանի թատերական կյանքին: Թատերախումբը հանդես է գալիս բազմազան ու բարձրարվեստ բեմադրություններով, հաստատում միջազգային համագործակցություններ և արժանանում հեղինակավոր մրցանակների, այդ թվում՝ ՀԹԳՄ «Արտավազդ» թատերական մրցանակի:
Ադրբեջանի հետ համաձայնություն չկա անկլավ-էքսկլավների հարցում, ցանկացած հանդիպում հրապարակային է
Եթե իրենց հայտնի է՝ ովքեր են «լավ» ընդդիմադիր, թող նրանց հետ էլ համախմբվեն․ Սարգսյան
Այս մոտեցման տրամաբանությունը, մեղմ ասած, մտահոգիչ հետևանքներ կարող է ունենալ․ Արմեն Հովասափյան
Նույնիսկ Արամ Զավենիչը չի վստահում Արեւմուտքի խոսքերին
1
4783 դիտում
2
4124 դիտում
3
2342 դիտում
4
2073 դիտում
5
1557 դիտում
1
31465 դիտում
2
19577 դիտում
3
11467 դիտում
4
11417 դիտում
5
8464 դիտում
3
17765 դիտում
