Ռուսական բանակը վերսկսել է ակտիվ հարձակումը ամենակարեւոր` Դոբրոպոլեի ուղղությամբ

Ռուսական բանակը վերսկսել է ակտիվ հարձակումը ուկրաինական ռազմաճակատի ամենակարեւոր հատվածում` Պոկրովսկում` Դոբրոպոլեի ուղղությամբ:

Ռազմաճակատի այս հատվածը գնահատվում է, ոչ ավելի, ոչ պակաս, հանգուցալուծումային ուղղություն ուկրաինական ողջ պատերազմի համար: Եվ դա մի քանի առումներով:

Նախ, Պուկրովսկ-Դոբրոպոլե հատվածում ավարտվում են ուկրաինական պաշտպանական համակարգերը: Գրավելով այդ գիծը, ռուսները դուրս են գալիս օպերատիվ տիրույթ Դնեպրոպետրովսկի ուղղությամբ (Քարտեզ 2):

Հաջորդը, Դոբրոպոլեից ռուսական ուժերը կհարվածեն Դոնեցքի հյուսիս-արեւելյան հատվածին` Սլավյանսկ-Կրամատորսկ անգլոմերացիայի արեւմտյան թեւին` Խարկովի մարզի հարավին եւ արեւմուտքին հարվածի հեռանկարով: Ու այդ ուղղությամբ մաշտաբային հարձակում է զարգանում նաեւ Լիմանի հատվածից:

Երրորդը. Պոկրովսկի գրավումը կապահովի նաեւ Զապորոժե-Դնեպրոպետրովսկ ուղղությամբ ռուսական ակտիվ հարձակման հետագա զարգացմանը:

Չորրորդը քաղաքական գործոնն է. Զելենսկու համար կստեղծվի ծայրահեղ անբարենպաստ իրավիճակ, որի պարագայում իշխանությունը պահելու հեռանկարները հասնում են զրոյական կետին` ներուկրաինական բուռն ճգնաժամով եւ արտաքին ճնշումների գերակտիվացմամբ հանդերձ: Դա էլ իր հերթին կանդրադառնա ռազմաճակատային իրողությունների վրա:

Հասկանալով այդ ամենը, ուկրաինական կողմը բոլոր հնարավորությունենրը նետեց` Դոբրոպոլեում ռուսների հարձակումը կանգնեցնելու եւ ռուսական ուժերը «մեծ կաթսայի» մեջ վերցնելու համար` անգամ այլ ճակատները դտարկելու միջոցով: Զելենսկին եւ Սիրսկին քանիցս հայտարարել են, որ հասել են այդ նպատակին` «ռուսները շրջապատված են»: Եվ այա փոխարենը, եթե մինչ այս կային նախադրյալներ, որ ուկրաինական հակահարձակման փոթը «կետրված» է, ապա այն, որ ռուսներն ակտիվորեն վերականգնում են կորցրած դիրքերը, նշանակում է, որ սկսվել է հակառակ գործընթացը: Այն է` սիրած տակտիկական միջոցի համապատասխան, ռուսները կարողացան պաշտպանական մարտերում «մաղել» հակառակորդի ուժերը, ապա անցնում են սեփական հարձակմանը:

Այն է. Դոբրոպոլեի ելուստի արեւելյան թեւում ռուսները նորից դուրս են եկել Շախովո առանցքային բնակավայրի հատված: Ավելի արեւելքից այս ուղղությամբ նույնպես հարձակումը զարգանում է, ինչն արդեն շատ ռեալ Շախովոյի ուկրաինական խմբավորմանը սպառնում է օղակով:

Ելուստի արեւմտյան թեւում եւս ուկրաինական ճեղքման ուժերը շրջապատման վտանգի տակ են: Ռուսները գրոհում են Նովիյ Դոնբասի ուղղությամբ:

Ելուստի հյուսիսում հարձակումը սկսել է զարգանալ Դոբրոպոլե-Կրամատորսկ մայրուղու ուղղությամբ:

Ուկրաինական կողմին մնում է եւս մեկ անգամ ճակատի մյուս հատվածները դատարկել` Պոկրովսկի ուղղությամբ վիճակը կայունացնելու հույսերով: Բայց թե դրանից հետո բանակից ինչ կմնա, առավել եւս, որ ռուսները միանգամայն ակտիվորեն հարձակվում են բոլոր ուղղությունենրով, մեծ հարց է:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝