Ֆրանսիայի նախկին վարչապետը կոչ է արել Մակրոնին անցկացնել արտահերթ ընտրություններ
ՄիջազգայինՖրանսիայի նախկին վարչապետ Էդուար Ֆիլիպը, որը պաշտոնը զբաղեցրել է 2017-2020 թվականներին, կոչ է արել Ֆրանսիայի նախագահ Էմանուել Մակրոնին անցկացնել արտահերթ նախագահական ընտրություններ։
«Հանրապետության նախագահն է, որ պետք է լուծում գտնի։ Ես չեմ պաշտպանում նրա անհապաղ հրաժարականի թեզը, բայց կարծում եմ, որ նա պետք է նախաձեռնություն հանդես բերի։ Նա լավ կանի նշանակի վարչապետ, որի խնդիրը կլինի բյուջեի պատրաստումը, ապա արտահերթ նախագահական ընտրություններ անցկացնի», - RTL ռադիոկայանին ասել է Ֆիլիպը, որը Մակրոնի «Վերածնունդ» կուսակցության հետ նույն կոալիցիայի մաս է կազմում։
Հավանեցի՞ր հոդվածը, կիսվիր ընկերներիդ հետ՝
