Բաղրամյանում շինարարությունը՝ առանց նորմատիվների պահպանման. բնակիչների ահազանգերը ավելանում են

Երևանի Բաղրամյան հասցեում շարունակվող շինարարական աշխատանքների ընթացքում չպահպանվող նորմատիվները լուրջ անհանգստություն են առաջացրել բնակիչների շրջանում։ Շինարարական տարածքում օրենքով նախատեսված են ջրային ցողիչ սարքեր, որոնք պետք է կանխեն փոշու տարածումը։ Սակայն արդեն երկար ժամանակ է, ինչ այդ սարքերը չեն աշխատում։ Շինարարությունն ի րականացնում է թուրքական ծագմամբ կազմակերպություն, որն ըստ բնակիչների՝ խախտում է բնապահպանական և սանիտարական պահանջները։ Ջրի ցողման համակարգերի անգործությունը դարձել է հիմնական պատճառը, որ տարածքում առաջանում է մեծ քանակությամբ փոշի, որը բացասաբար է ազդում բնակիչների առողջության և առօրյայի վրա։

Բնակիչները նաև ենթադրում են, որ խաղաղության պայմանագրից հետո վերահսկողության թուլացումը հնարավորություն է տվել որոշ կազմակերպությունների անտեսել իրենց պարտավորությունները։ Ներկայումս Բաղրամյանի շրջանի բնակիչները բազմիցս արտահայտել են իրենց դժգոհությունը և կոչ են անում պատասխանատու մարմիններին՝ միջամտել իրավիճակին, վերականգնել վերահսկողությունը և ապահովել շինարարական գործընթացի իրականացումը՝ ըստ օրենքի պահանջների։

Սեփ. լրատվություն

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝