Հայտարարագրման վերջնաժամկետը մոտենում է, աշխատող քաղաքացիները ցայտնոտի մեջ են

Մոտենում է աշխատող քաղաքացիների եկամուտների հայտարարագրման վերջնաժամկետը, բայց որքան տարօրինակ հնչի շատերը խոստովանում են, որ տեղյակ չեն կամ էլ չգիտեն՝ ինչը հայտարարագրեն:

Նկատենք, որ տարեսկզբին վարչապետ Փաշինյանը հետաձգեց եկամուտների հայտարարգրման վերջնաժամետը՝ մայիսից տեղափոխելով նոյեմբերի 1-ը՝ հաշվի առնելով, որ ID քարտերի հերթեր կան, իսկ առանց նույնականացման քարտի հնարավոր չէ եկամտուները լրացնել: Ակնկալում էին, որ այս տարի հայտարարագիր պետք է ներկայացնի ավելի քան 700 հազար Հայաստանում աշխատող քաղաքացի։

Կառավարությունը «գայթակղում էր», որ
կրթության և առողջապահության համար արված ծախսերի դեպքում՝ կառավարությունը հայտարարագրողներին խրախուսում է մինչև 100 հազար դրամով։ Սակայն,  դա ոչ միայն չի գրավում քաղաքացիներին, այլեւ շատերը հայտարարագրման հրավերն ընկալում են որպես հնարավոր ծուղակ, որ ապագայում ոչ միայն եկամուտը կհարկվի, այլև՝ նվերը, օգնությունը և այլն։

Թեեւ Կառավարությունը բացատրում էր, որ հայտարարագրման նպատակները բոլորովին այլ են, դրանց մեջ չի մտնում մարդկանցից նոր հարկեր հավաքելը, հակառակը՝ ցանկանում են քաղաքացիների սոցիալական վիճակի մասին տեղեկացված լինել։

Այս օրերին քաղաքացիները ահազանգում են խմբագրություն, որ ընկել են բառի բուն իմաստով ցայտնոտի մեջ։ «Հայտարարագիր ներկայացնելու համար պարզվում է ID է անհրաժեշտ, մենք էլ չունենք , դիմում ենք պարզվում է քաղաքում հերթագրումը մինչեւ դեկտեմբեր է։ Ասում են մարզեր գնացեք, բայց էդ ինչ աշխատավարձ ենք ստանում, որ էսքան չլչլում են»,-վրդովված նկատեց քաղաքացիներից մեկը։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝