Վրաստանում կանխվել է լայնածավալ դիվերսիա եւ պետական հեղաշրջում. Ինչ էր ծրագրված

Վրաստանում կանխվել է երեկվա ընտրությունների օրը նախատեսված լայնածավալ դիվերսիա։

Այսպես, Վրաստանի պետական ​​անվտանգության ծառայությունը հայտնել է, որ առգրավվել է հոկտեմբերի 4-ի դիվերսիայի համար նախատեսված մեծ քանակությամբ զենք և պայթուցիկ նյութեր։

Զենքը ձեռք է բերվել Ուկրաինայում գործող զինված խմբավորումներից մեկի վրացի ներկայացուցչի պատվերով։

Բոլոր անձինք, ովքեր պետք է զենքն ու պայթուցիկ նյութերը հասցնեին Թբիլիսիի կենտրոն, չեզոքացվել են։

Վրացական տեղյակ աղբյուրն էլ հայտնում է, որ պայթյուններ պետք է որոտային այն ժամանակ, երբ ցուցարարների մի խումբ սկսեց գրոհել նախագահական նստավայրը, այլ խմբեր` բարիկադներ կառուցել եւ հրկիզել դրանք` սադրելով ոստիկանությանը: Այսինքն, ոստիկանների գործողությունենրի ժամանակ, եթե լինեին պայթյուններ մասսայի մեջ, դրանք կբերեին տասնյակ զոհերի, ու արդեն ստարտի վիճակի բերված քարոզչամեքենան (այդ թվում` դրսում) անմիջապես կսկսեր մեղադրե վացական իշխանություններին:

«Դա նախ` ընդդիմության միակ ծանսն էր, որ կարողանային ավելի մեծ մասսաներ դուրս բերել փողոց: Երկրորդը, դա լավ միջոց էր ցուցարարների մեջ ներդրված` ուկրաինայում մարտական փորձ անցած վրացիներին (եւ ոչ միայն) գործի դնելու համար, որպես իշխանական «բռնություններին» պատասխան»,- նշում է աղբյուրը: Ըստ նրա, եթե անգամ դա չհասցներ մինչեւ իշխանափոխության, մեկ է, շատ լավ առիթ էր, որ Արեւմուտքն անցներ սիրած մեթոդներին` պատժամիջոցների, դրանով վրացական իշխանությունների համար բարդ իրավիճակ ստեղծելով:

«Տեղյակ եմ նաեւ, որ Վրաստանի անվտանգության մարմինները շատ հստակ տեղեկատվություն են ստացել (կարելի է կռահել, թե որտեղից), այդ թվում` ողջ օպերացիայի, Ուկրաինայից զենքի, պայթուցիկների, գրոհայինների Վրաստան տեղափոխվելու եւ տեղի կազմակերպիչների մասին: Եվ ճիշտ պահին հավաքեցին հիմնական գրոհայիններին, հիմնական կազմակերպիչներին ու առգրավեցին դիվերսիոն պարագաները` դրանով, ինչպես նաեւ վարչապետն ընդգծեց` կանխելով պետական հեղաշրջումը: Սպասում եմ, որ մոտ օրերս այս ամենի մասին նաեւ պաշտոնապես շատ հստակ եւ, ինչպես նաեւ վարչապետ Կոբախիձեն ակնարկեց (Տե´ս նաեւ https://iravunk.com/?p=324433&l=am), կլինեն շատ «անակնկալ բացահայտումներ» Կարծում եմ, որ ակնարկը հենց նշածս մեխանիզմի մասին էր»,- ասաց մեր աղբյուրը։

»,-  

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝