Առանց ընդդիմադիր՝ գեղի սինդրոմ. ԸՆԿԵՐ ՓԱՆՋՈՒՆԻ

ՊԻՂԱՏՈՍՆ Ա ՊԱԿԱՍՈՒՄ

(ՄԻՔԱՅԵԼ ՍՐԲԱԶԱՆԻՆ 2 ՏԱՐԻ 6 ԱՄԻՍ ԺԱՄԿԵՏՈՎ ԱԶԱՏԱԶՐԿԵԼՈՒ` ԴԱՏԱԽԱԶԻ ՊԱՀԱՆՋԻ ԿԱՊԱԿՑՈՒԹՅԱՄԲ)

Ըստ թեոլոգների` Միքայել սրբազանի բախտը բերել ա, որ դատախազը դատարանից չի պահանջում իրեն խաչել։

 **

 ՀԵՐՔՈՒՄ

Փաստաբանների պալատից հայտնում են, որ այն լուրերը, ըստ որոնց, Միքայել սրբազանի փաստաբաններից մեկը նրան մինչեւ աքլորականչ  երեք անգամ ուրացել է, չի համապատասխանում իրականությանը։

 **

ԱՊԱԿԱՏԱՐ ՑԱՆԿԱԼԻ

(ՓԱՐԱՔԱՐՈՒՄ ՏԵՂԻ ՈՒՆԵՑԱԾԸ ՀԱՐՑԵՐ Է ԲԱՐՁՐԱՑՆՈՒՄ, ՈՐՈՆՔ ԻՆՁ ԷԼ ԵՆ ՀԵՏԱՔՐՔՐԵԼ ՈՒ ԱՆՀԱՆԳՍՏԱՑՐԵԼ. ՓԱՇԻՆՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

 Ըստ քաղտեխնոլոգների, եթե ժամանակին Ալամ Կալապետյանը Փարաքարը փակեր, ապա Նիկոլը այսօր չէր անհանգստանա։

**

 ԴԱՍԱԿԱՆ

 ( ՔՆՆՉԱԿԱՆ ԿՈՄԻՏԵԻ ՂԵԿԱՎԱՐԸ Հ1-Ի ԵԹԵՐՈՎ ՓԱՐԱՔԱՐԻ ՍՊԱՆՈՒԹՅՈՒՆԸ «ՎԵՆԴԵՏԱ» ՈՐԱԿԵԼՈՒ ԿԱՊԱԿՑՈՒԹՅԱՄԲ)

 Փաշինյանի ասածը` ինձ համար օրենք ա։

**

 ԱՌԱՆՑ ԸՆԴԴԻՄԱԴԻՐ ԳԵՂԻ ՍԻՆԴՐՈՄ

(ՆԻԿՈԼԻ ԿՈՂՄԻՑ` 2026 ԹՎԻ ԸՆՏՐՈՒԹՅՈՒՆՆԵՐՈՒՄ ՀԱՂԹԵԼՈՒ ԵՆ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Ըստ քաղտեխնոլոգների` նման ընդդիմության առկայության պայմաններում Նիկոլին հաղթելու համար արդեն ոչ մեխ ա պետք, ոչ` չագուջ։

**

ՆԻԿՈԼԻ ԳՈՐԾԸ ՄԵՍՐՈՊ ՄԱՇՏՈՑԻ ՄԱՍՈՎ ԿԻՍԱՏ Է ՄՆԱՑԵԼ

(ՆԻԿՈԼԸ ՍԱՂՄՈՍՆԵՐ ՈՒՍՈՒՄՆԱՍԻՐԵԼՈՒՑ  ՀԱՅՏԱՐԱՐԵԼ Է, ՈՐ ԱՄԵՆ ԻՆՉ ԴԵՌ ՄԵՍՐՈՊ ՄԱՇՏՈՑԻՑ Է  ՍԿՍՎԵԼ)

Կառավարությունից հայտնում են, որ Նիկոլը Մատենադարանի դիմացից  Մեսրոպ Մաշտոցի արձանը հանել  տարել է ԱԱԾ մեկուսարան` Սամվել Կարապետյանի խուց:

**

ԱՎԵՏԱՐԱՆ` ԸՍՏ ՀՈՒԴԱՅԻ

Ըստ 12 առաքյալների` Նիկոլը հայտարարել է, որ Հայաստանի բոլոր դժբախտությունները ոչ միայն  Մեսրոպ Մաշտոցից է սկսվել, այլ նաեւ Նոյ նահապետից, որը Արարատից իջնելուց Թուրքիայի կողմ գնալու փոխարեն` Արարատյան դաշտ է իջել:

**

ՔԱՆԴՈՂ ԲՐԻԳԱԴԻ ԲՐԻԳԱԴԱՎԱՐԸ

Ըստ թուրքական հատուկ ծառայությունների` Նիկոլը Աննա Հակոբյանին ուղարկել է Չինաստան, որ այնտեղի ժողովրդին էլ պառակտի եւ սեւ ու սպիտակի վերածի:

**

ԲԱՑԱՀԱՅՏՈՒՄ, ԿԱՄ ԱՐՀԵՍՏԱՎԱՐԺ ԴԱՎԱՃԱՆԸ

Ըստ կոնսպերոլոգների` ժամանակին <<Մարտի 1>>-ի գործով մեղադրյալ Նիկոլ Փաշինյանը իրավապահների կողմից թաքնվելուց իր կամքով չի հանձնվել իրավապահներին, այլ իրեն թաքստոց տրամադրողներին դավաճանելուց հետո` էլ տեղ չի ունեցել մնալու, դրա համար գնացել հանձնվել է:

**

ՄԵՂԱՅԱԿԱՆ

Գողական աշխարհից հայտնում են, որ Նիկոլի հանդեպ ազատազրկված ժամանակ իր խցի դատապարտյալները որ իրենց խոստացվածը արած լինեին, հիմա երկիրը խղճուկ վիճակում չէր լինի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝