Ծառայողներից մեկի առողջությանը պատճառվել է էական վնաս. Ինչ է տեղի ունեցել իրականում «Արթիկ» ՔԿՀ-ում սեպտեմբերի 25-ին. Բացառիկ
Իրավական
Առավոտյան մամուլը «Ի՞նչ «դեբոշ» է եղել «Արթիկ» ՔԿՀ-ում, որն ավարտվել է ծեծկռտուքով» վերտառությամբ հրապարակում էր կատարել, անդրադառնալով «Արթիկ» ՔԿՀ-ում տեղի ունեցած կալանավորների եւ ծառայությունն իրականացնող աշխատակիցների միջեւ տեղի ունեցած միջադեպին։
Իրականում ի՞նչ է տեղի ունեցել, որքանո՞վ տարածված տեղեկատվությունը աղերս ունի իրականության հետ «Իրավունքը» դիմել է ՀՀ ԱՆ Քրեակատարողական ծառայության վարչության հանրային կապերի բաժնի պետ, Արդարադատության փոխգնդապետ Նոնա Նավիկյանին, ով ներկայացնելով օբյեկտիվ իրականությունը փաստեց.
-2025 թվականի սեպտեմբերի 25-ին ՀՀ արդարադատության նախարարության «Արթիկ» քրեակատարողական հիմնարկում պատիժ կրող դատապարտյալ Վ. Գ.-ն դրսևորել է բացահայտ ագրեսիվ վարքագիծ՝ սեռական բնույթի հայհոյանքներ հնչեցնելով բուժքրոջ և քրեակատարողական ծառայողների հասցեին։
Վերջինս նաև հրահրել է այլ դատապարտյալների միջամտել իր գործողություններին, ինչի հետևանքով մի քանի դատապարտյալ ևս միացել են անօրինական գործողություններին՝ հայհոյանքներ հնչեցնելով ծառայողների նկատմամբ։
Ի պատասխան քրեակատարողական ծառայողների բազմակի պահանջներին՝ դադարեցնել ներքին կանոնակարգի խախտումները՝ դատապարտյալները դիմել են ֆիզիկական բռնության՝ քաշքշելով և հարվածներ հասցնելով ծառայողներին։
Օրինազանցության դադարեցման նպատակով դատապարտյալների նկատմամբ կիրառվել են հատուկ միջոցներ, և ֆիզիկական ուժ կիրառելու արդյունքում վերջիններս տեղափոխվել են պատժախցեր։
Դատապարտյալների անօրինական գործողությունների հետևանքով ծառայողներից մեկի առողջությանը պատճառվել է էական վնաս։
Դեպքի առթիվ ՀՀ քննչական կոմիտեի Շիրակի մարզային քննչական վարչության Արթիկի և Անիի քննչական բաժնում նախաձեռնվել է քրեական վարույթ՝ ՀՀ քրեական օրենսգրքի 452-րդ հոդվածի հատկանիշներով (Պաշտոնատար անձի օրինական ծառայողական կամ քաղաքական գործունեությանը միջամտելը)։
Մամուլի ուժը բարձրախոսների քանակը չէ, այլ իշխանավորին անհարմար, երբեմն ցնցող հարց տալու, անարդարությունը բացահայտելու և սեփական սխալն ընդունելու համարձակությունը
Երևանը պետք է ազատել ինքնակամ շինություններից՝ երևանցուն իր քաղաքում օտարված ու անպաշտպան չդարձնելով
Իմ թիկունքը ՏԿԵ նախարան է, մնացածին էլ չեմ ասում. ՔՊ-ական թեկնածուն շարունակում է արտոնյալ տգիտությունը
ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել
1
4229 դիտում
2
2431 դիտում
3
1783 դիտում
4
1601 դիտում
5
1532 դիտում
1
31465 դիտում
2
11467 դիտում
3
11417 դիտում
4
8478 դիտում
5
5699 դիտում
2
19592 դիտում
3
17770 դիտում
