Հետաքրքիր է, այս ուխտադրուժների կծիկում դեռ քանի ծպտյալներ կան... Ալլա Հակոբյան

«Աղոթում եմ, որ մեր խոսքն ու պահվածքը հիշեցնեն՝ մեզ քահանաներիս թե ովքեր ենք մենք իրականում եւ ում ենք ծառայում»:

 

Երիտասարդ, իսկ ես աղոթում եմ, որ դուք հիշեք ձեր ձեռնադրության օրը եւ Սուրբ Մյուռոնը, որ այդ օրը քսվեց ձեր ճակատին... Իսկապես որ, ձեզ եւ ձեզ պեսներին անհրաժեշտ է խորհել այն մասին, թե դուք «ՈՎՔԵ՞Ր եք եւ Ո՞ՒՄ եք ծառայում»... 2018-ից Նիկոլը շատերին է խաբել եւ խաբում է, բայց այդ խաբվածները ձեռնադրված հոգեւորականներ չեն... Դատաստանի օրը ապրած կյանքի համար նրանցից ավելի քիչ է հաշիվ պահանջվելու, քան ձեզանից` Սուրբ Մյուռոնով ձեռնադրվածներից... Լավ, դուք իսկապես Ատծոց չե՞ք վախենում...

 

Ի դեպ, ձայնը չեն տեսնում, այլ լսում են... Եվ եթե դուք լսելու ունակություն ունենայիք, դուք կլսեիք ոչ «Տեր Արամի» խոսքը, ում կռապաշտի պես ՀԻՆԳ ԱՆԳԱՄ հիշատակում եք ձեր գրառման մեջ, այլ ԱՍՏԾՈ ԽՈՍՔԸ եւ որպես քրիստոնյա կաղոթեիք «հայհոյախոս»-ների համար... Իսկ դուք, ձեր փոքրիկ գրառման մեջ երեք անգամ խոսելով «հայհոյախոսությունից» ինքներդ եք «հայհոյախոսում» այն օջախի հանդեպ, ուր երկար տարիներ ստացել եք ե՛ւ նյութաքան, ե՛ւ հոգեւոր սնունդ... Ստացել եք կրթությո՛ւն, եւ` ամենակարեւո՛րը, ձեռնադրվել եք Սուրբ Մյուռոնով... Այսօր, հետեւելով Հայաստանում ՀԱԵ հանդեպ հետապնդումներին, եթե չասեմ հալածանքներին, ակամա սկսում եմ մտաբերել, թե ինչպես կազմակերպած ձեւով Ուկրաինայում պառակտում էին Ուղղափառ եկեղեցին, զավթում եկեղեցիները, իսկ батюшка-ներին ծեծում էին եւ ոտքերին «ռադիոբռասլետներ» հագցնում... Մոլդովայում այսօր նույնպես ճնշում են հոգեւորականներին եւ ծեծում նրանց... Արդյոք զուգահեռներ չե՞ք տեսնում, երիտասարդ...

 

ՀԱԵ հզոր կառույց է, եւ ոսկորի պես կանգնած է մեր թշնամիների կոկորդին, ինչպես Հայոց աշխարհը` թուրքի... Չգիտեմ, միամտաբար, թե միտումնավոր, դուք դառնում եք մեր թշնամիների ձեռքի գործիք... Ի դեպ, ապստամբության եւ հեղափոխության կոչեր այս երկրում միայն գործող վարչապետն է անում, ում օրոք Հայաստանի Հանրապետության «ներսում եղբայրսիրությունը վտանգված է», քանզի նա «արյան գետեր է ուզում տեսնել», շատ է սիրում մարդկանց «ասֆալտին փռել», իսկ ընտրություններին` սպառնալով ընդդիմությանը, գնում է չագուճը ձեռքին... «Ճշմարտության» վերաբերյալ քարոզ արեք հենց ա՛յդ տիեզերական ստախոսի եւ իր քպ-ականների համար, ովքեր 7 տարի ՄՇՏԱՊԵՍ ԽԱԲՈՒՄ են ՀՀ քաղաքացիներին, ուստի` ձեր իսկ ասելով` չարից են...

 

Դուք իրավացի եք. «Այսպես շարունակելն անկարելի է»: Ձեզ դասավանդվել է ՄԵՐ ԵԿԵՂԵՑՈՒ պատմությունը եւ դուք շատ լավ գիտեք, թե ովքե՞ր են մեր դարավոր թշնամիները... Դուք` որպես ՀԱԵ ծառայող, պետք է պայքարեք ա՛յդ դարավոր թշնամիների դեմ, ինչպես պայքարում էր ՀԱՅ ՀՈԳԵՒՈՐԱԿԱՆԸ Սարդարապատի ճակատամարտում, իսկ դուք այսօր թքում եք այն ջրհորի մեջ, որից մեր ազգը արդեն գրեթե քսան դար ջուր է խմում...