Դեղին կիվիի պարբերաբար օգտագործումը կարող է արդյունավետորեն բարձրացնել վիտամին C-ի մակարդակը օրգանիզմում

Ավստրալացի հետազոտողները CSIRO-ից և Ադելաիդայի համալսարանից պարզել են, որ դեղին կիվիի պարբերաբար օգտագործումը կարող է արդյունավետորեն բարձրացնել վիտամին C-ի մակարդակը օրգանիզմում: Պատահականացված կլինիկական փորձարկման արդյունքները հրապարակվել են Nutrients գիտական ​​ամսագրում:

Փորձին մասնակցել են 26 մեծահասակներ, որոնք ունեին վիտամին C-ի ցածր մակարդակ: Մասնակիցները բաժանվել են երկու խմբի. առաջին խմբին հանձնարարվել է օրական ուտել երկու կիվի (SunGold kiwifruit), իսկ երկրորդ խմբին հանձնարարվել է ընդունել վիտամին C-ի պարկուճներ: Մի քանի շաբաթվա ընթացքում գիտնականները հետևել են սթրեսի մակարդակի, տրամադրության և հոգնածության փոփոխություններին:

Հետազոտողները ընդգծել են, որ կիվին պարունակում է ոչ միայն վիտամին C, այլև մի շարք կենսաակտիվ միացություններ, որոնք ուժեղացնում են հակաօքսիդանտային պաշտպանությունը և աջակցում նյարդային համակարգին:

Բացի այդ, գիտնականները պարզել են, որ կիվիի օգտագործումը օգնում է պայքարել տրամադրության թեթև խանգարումների և դեպրեսիայի դեմ, սակայն ավելի ծանր ախտանիշների դեպքում որևէ օգտակար ազդեցություն չի նկատվել:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝