Ով է իրականում Բորիս Ավագյանը, ինչ պատմություններով է հայտնի. Էքսկլյուզիվ մանրամասներ

Նախօրեին պարզվեց, որ ՌԴ-ում նախնական տվյալներով  հյուպատոսարանի զուգարանում, խոհանոցային դանակով երակները վնասելու միջոցով ինքնասպան է եղել  Բորիս Ավագյանը ։

Իսկ ով էր Բորիս Ավագյանը, վերջինս հետախուզվում էր Երևանում սահմանի անօրինական հատման և փողերի լվացման համար։ Բորիս Ավագյանը եղել է Արցախի Հանրապետության նախագահի հատուկ հանձնարարությունների գծով ներկայացուց, նախագահ Բակո Սահակյանի խորհրդականը, իսկ վերջին տարիներին էլ ծառայության էր անցել ԱՀ ՆԳՆ ԱԻՊԾ-ում՝ զբաղեցնելով ԱԻՊԾ պետի տեղակալի պաշտոնը։ 2020 թվականի պատերազմից հետո էլ Ավագյանը միջամտել էր գերիների փոխանակման և գերիներին Բաքվից վեադարձնելու գործընթացների կազմակերպմանը։ Նա մշտապես ներկա էր գտնվում գերիների փոխանակման ու վերադարձման քննարկումներին և մի շարք գերիների վերադարձը հնարավոր եղավ նրա ու ռուս գեներալ Մուրադովի բանակցությունների արդյունքում։ Հատկանշական է, որ նա բավական լարված հարաբերություններ է ունեցել ԱՀ նախագահ Արայիկ Հարությունյանի հետ, վերջինս նրան հանդուրժում էր քանի որ չէր ցանկանում կոնֆլիտի մեջ մտնել Մուրադովի հետ։

Մուրադովի տեղափոխությունից անմիջապես հետո Բորիսից ազատվեց Արայիկ Հարությունյանը.«ինքնահավան,տեղ-տեղ էլ անհավասարակշիռ տղա է, մեզանից հեռու թող լինի, քայլող շառա»,-ժամանակին նման կերպ է արտահայտվել այսօր Բաքվում դատվող ԱՀ նախագահը։

Բորիսը տեւական ժամանակ բավական լուրջ պաշտոն է զբաղեցրել նաեւ Արթիկում։ Հայտնի Վարագյանների «դինաստիայի» օրոք վերջինս Արթիկի փոխքաղաքապետ էր ու քաղաքապետին հավասարար հարց լուծող էր։  Հատկանշական է, որ Արթիկում եւս նրան բնորոշում են «ինտրիգանտ, ինքնահավան» բնորոշումներով։ «էս մարդը Ղազախստանից սկսած, Արցախով, ՌԴ-ով ու ՀՀ-ով վերջացրած մախինացիաների ու ավանտյուրաների մեջ է եղել, անցած ճանապարհը դա է ապացուցում»,-ասում են աթիկցիները։

Հիշեցնենք դեպքից ժամեր առաջ Ավագյանը փախել էր դատարանից, որտեղ նրան պետք է խափանման միջոց ընտրեին ավելի քան 4,2 միլիարդ ռուբլի (ավելի քան 50 միլիոն դոլար) մաքսատուրքերի վճարումից խուսափելու գործով։ Ավելի վաղ գործը կասեցվել է, քանի որ օգոստոսի 22-ին նա պայմանագիր է կնքել Ռուսաստանի Դաշնության Պաշտպանության նախարարության հետ՝ «ՍՎՕ»-ին մասնակցելու համար, սակայն չէր կատարել պայմանավորվածությունը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝