Մահացել է 1992թ. Շուշիի S-72 տանկի անձնակազմից հրաշքով ողջ մնացած հրամանատար Գագիկ (Գագա) Ավշարյանը

Հասարակություն 22 Սեպտեմբեր, 2025 19:25

Կյանքից հեռացել է գնդապետ Գագիկ (Գագա) Ավշարյանը, S-72 տանկի հրամանատարը, որը 1992 թվականին առաջինը մտավ Շուշի։ Ավշարյանը իր տանկի անձնակազմից միակ ողջ մնացածն էր՝ երեք տասնամյակ շարունակ կրելով թե՛ պատերազմի վերքերը, թե՛ իր զոհված մարտական ընկերների հիշատակը։

1992 թվականի մայիսի 8-ի գիշերը Ավշարյանը, նշանառու օպերատոր Շահեն Սարգսյանի և մեխանիկ-վարորդ Աշոտ Ավանեսյանի հետ մասնակցեց Շուշիի համար վճռական տանկային մարտին։ Նրանց S-72 տանկը ոչնչացրեց երկու ծանր ամրացված թշնամական հրետանային մարտական միավոր, սակայն Ավշարյանը ծանր վիրավորվեց և տարհանվեց մարտադաշտից։ Տանկը հետագայում պայթեցվեց, ինչի հետևանքով Ավշարյանը մնաց անձնակազմի միակ փրկվածը։

Չնայած ծանր վնասվածքներին՝ Ավշարյանը շարունակեց ծառայությունը, ինչպես նաև անձնուրաց ջանքերով վերականգնեց S-72 տանկը, որ հետագայում դարձավ հուշարձան։

«Շուշիի տանկ» անվամբ հայտնի դարձած այդ հուշարձանը դարձավ Արցախի հաղթանակի և ազգային տոկունության ամենախորհրդանշական դրսևորումներից մեկը։

2023 թվականի Արցախի հայաթափումից հետո Ադրբեջանն ապամոնտաժել էր Շուշի տանող ճանապարհին հայերի տեղադրած տանկ-հուշարձանը:

Նշենք, որ Արցախյան ազատամարտին մասնակցել է նաև նրա եղբայրը՝ Մխիթար Ավշարյանը:

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Մահացել է 1992թ. Շուշիի S-72 տանկի անձնակազմից հրաշքով ողջ մնացած հրամանատար Գագիկ (Գագա) Ավշարյանը

Փոխարժեք