Պրիսցիլա Պրեսլին բացահայտել է իր անձնական կյանքի զարմանալի մանրամասներ.Էլվիս Փրեսլիից ամուսնալուծվելուց հետո նա սիրավեպ է սկսել Ռոբերտ Քարդաշյանի հետ

Հասարակություն 20 Սեպտեմբեր, 2025 13:41

Իր նոր՝ «Softly, As I Leave You: Life After Elvis» հուշագրությունում 80-ամյա Պրիսցիլա Պրեսլին բացահայտել է իր անձնական կյանքի զարմանալի մանրամասները: Պարզվում է, որ ռոքնռոլի արքայից ամուսնալուծվելուց հետո նա սիրավեպ է սկսել մեկ այլ լեգենդար տղամարդու՝ փաստաբան Ռոբերտ Քարդաշյանի հետ, ով Քրիս Ջենների ապագա ամուսինն էր և Քիմի, Քորթնիի, Քլոեի և Ռոբերտ կրտսերի հայրը:

Ըստ Պրիսցիլլայի, Էլվիսը զանգահարել է իրեն մի գիշեր՝ մոտավորապես ժամը 2-ին, երբ Քարդաշյանը նրա անկողնում էր: «Նա կկատաղեր, եթե իմանար, որ Ռոբերտը իմ ննջասենյակում է: Էլվիսը միշտ լիցքավորված զենք էր կրում, երբեմն՝ մի քանիսը», - գրում է Պրիսցիլլան:

Սիրավեպը սկսվել է 1975 թվականին՝ Պրիսցիլլայի և Էլվիսի ամուսնալուծությունից երկու տարի անց: Ռոբերտը «քաղցր» էր, հիշում է նա, բայց Հոլիվուդում փաստաբանի նրա զբաղված աշխատանքը լարվածություն էր ստեղծում նրանց հարաբերություններում: Չնայած դրան՝ Քարդաշյանը լուրջ էր վերաբերվում սիրավեպին և նույնիսկ ցանկանում էր ամուսնանալ Պրիսցիլլայի հետ:

Նրա ընկերները հաստատում են, որ Էլվիսը հաճախ էր զանգահարում իր նախկին կնոջը, նույնիսկ երբ Ռոբերտը մոտակայքում էր, և Պրիսցիլան թույլ էր տալիս Քարդաշյանին լսել նրանց զրույցները՝ հեռախոսի լսափողը դնելով իր բարձին։

Չնայած նրանց սիրո պատմությունը ամուսնությամբ չի ավարտվել, Պրիսցիլան պնդում է, որ նրանք ընկերներ են մնացել մինչև Ռոբերտի մահը՝ 2003 թվականին։ «Նա ամենաբարի մարդն էր, և ես նրան մեծ սիրով եմ հիշում»,-գրում է նա։

Պրիսցիլլայի գիրքը լույս է կտեսնի սեպտեմբերի 23-ին։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Պրիսցիլա Պրեսլին բացահայտել է իր անձնական կյանքի զարմանալի մանրամասներ.Էլվիս Փրեսլիից ամուսնալուծվելուց հետո նա սիրավեպ է սկսել Ռոբերտ Քարդաշյանի հետ

Փոխարժեք