«Փաստ». Վերին Լարսում արգելափակված է հայաստանյան շուրջ 450 բեռնատար
Մամուլի տեսություն
«Փաստ» օրաթերթը գրում է. «Մենք որոշ ժամանակ առաջ տեղեկացրել էինք, որ Ռուսաստանի իրավապահ մարմինները առանց որևէ պատճառաբանության կանգնեցրել և արգելափակել են հայկական «Սպայկա» ընկերության հարյուրից ավելի բեռնատարներ։ Այս առումով «Փաստին» նոր տեղեկություններ են հայտնի դարձել:
Պարզվում է՝ արգելափակված են ոչ միայն «Սպայկա» ընկերության, այլև դեպի Ռուսաստան ապրանք արտահանող մոտ 50 կազմակերպությունների բեռնատարներ: Խոսքն ընդհանուր առմամբ շուրջ 450 բեռնատարի մասին է, որոնք, մեր աղբյուրների փոխանցմամբ, Վերին Լարսի անցակետում տարբեր պատճառաբանություններով, շատ դեպքերում՝ անգամ առանց պատճառաբանությունների արգելափակված են: Արդյունքում բոլոր այն ընկերությունները, որոնց պատկանում են նշյալ բեռները, ահռելի վնասներ են կրում: Բանն այն է, որ միայն բեռնատարների համար նրանք վճարում են օրական մոտ 100 դոլար գումար, չհաշված այն հանգամանքը, որ կան նաև շուտ փչացող ապրանքներով մեքենաներ:
Փորձագետներն այս հանգամանքը բացատրում են մի շարք գործոններով: Դրանք կապված են թե՛ հայկական համապատասխան պետական կառույցների, մեղմ ասած, անբավարար աշխատանքի հետ, թե՛ արտաքին քաղաքական նրբերանգներ ունեն: Մասնավորաբար, կա տեսակետ, որ այս ամենը Հայաստանի արտաքին քաղաքական կողմնորոշման կտրուկ շրջադարձերի պատասխան կարող է լինել: Հիշեցնենք, որ վերջին շրջանում ՌԴ լրատվամիջոցները, փորձագետները, նաև մի շարք պաշտոնյաներ, այդ թվում՝ փոխվարչապետ Օվերչուկը, ուղիղ տեքստով զգուշացրել են այդ մասին»։
Նարիմանյանը պատրաստ է պատմել ողջ իրականությունը, որից հետո Խորխոռունու գործը նոր ընթացք կստանա
ՇՏԱՊ. Առկա է վեբկայք, որտեղ տեղադրված են ՀՀ քաղաքացիների տեսանյութերն ու լուսանկարները, որոնք արվել են հասարակական զուգարաններում
«Փաստ». Ինչպես քաղաքական «առևտրով» Ամուլսարի շուրջ սառույցը «հալվեց»
Թող քեզանում մարդն իրեն տեր զգա. Հայտնի իրավապաշտպանը Երեւանի տոնի կապակցությամբ
1
2438 դիտում
2
1795 դիտում
3
1676 դիտում
4
1622 դիտում
5
1562 դիտում
1
31465 դիտում
2
11474 դիտում
3
11417 դիտում
4
8485 դիտում
5
5699 դիտում
2
19592 դիտում
3
17770 դիտում
