Լավ է չեն ասում, որ տղաս քննչական կոմիտեում ինչ–որ մեկին բռնաբարել է, լավ է՝ նման գործ չհարուցեցին. Վարդան Ղուկասյանը փակագծեր է բացում

«Արցախը տվիք, էդքան չխառնվիք իրար, Գյումրու քաղաքապետարանի համար էս ի՞նչ եք անում, էս ի՞նչ ողբ ու ոռնոց եք դրել։ Ի՞նչ, էստեղից շատ ատկատ կա՞ր, որ տանում էիք»,-անդրադառնալով որդու շուրջ ընթացող գործընթացներին ասաց Գյումրիի քաղաքապետ Վարդան Ղուկասյանը, անդրադառնալով քր.գործի մանրամասներին.

- Ամբողջ պատմությունը 24 քառակուսի մետր, մոտ 90 հազար դրամ արժողության «խիբարի» (մանր տաշեղներ, շինարարական նյութ) համար է, որն անգամ քաղաքապետարանի հաշվեկշռում էլ որպես գույք չի եղել։

Ինձ նման բաներով չեն կարող կոտրել։ Եթե մարմինս կոտրես, հոգիս չեն կոտրի, բռնել տալով երկիր չեն պահում, պատին ծեփելով, ասֆալտին փռելով դու մարդկանց հանում ես քո դեմ, մարդկանց պահում են սիրով, ապրելով և ապրեցնելով։ Ես իմ տղայի անունը Սպարտակ եմ դրել, ազատության անունն եմ դրել, որ Սպարտակը կռվում էր հռոմեացի լեգեոներների դեմ, դուք մտածում եք, որ ես կարող ա գլո՞ւխ կախեմ ձեր դիմաց կամ գամ, ձեր հետ բանակցեմ, կամ ստուկաչ դառնամ մյուսների պես, որ վլաստը գա, գլխարկս փոխեմ։ Իմ գլխարկը երբեք չի փոխվի։

Անդրադառնալով լուրերին, ըստ որի Շիրակի մարզային քննչական վարչությունում վիճաբանություն և ծեծկռտուք է տեղի ունեցել իր որդու աջակիցների և իրավապահների միջև քաղաքապետը նկատում է.

- Լավ է՝ չեն ասում, թե քննչական կոմիտեում բռնաբարություններ են տեղի ունեցել։ Օրինակ ասեին, որ տղաս քննչական կոմիտեում ինչ–որ մեկին բռնաբարել է, լավ է՝ նման գործ չհարուցեցին։ Փաստորեն դեռ դեմոկրատիա կա:  Որդուս նկատմամբ իրականացվող իրավական գործընթացների ցինիզմի վերջին աստիճանն է։ Հերթական անգամ Հայաստանում դատում են քաշող ուժերին, որ ադրբեջանցիներին բերեն Հայաստան։Ոչինչ սա էլ կանցնի։

Հարցին արդյո՞ք այս ամենը նաեւ ՌԴ-ի շահերը պարբերաբար  պաշտպանելու հետ չէ կապված մեր զրուցակիցը նկատեց.

- Ռուսները պահում են Հայաստանի ինքնիշխանությունը։ Ովքեր ուզում են, որ ռուսական ռազմաբազան դուրս գա, ուրեմն ուզում են, որ Հայաստանը դառնա թուրքական վիլայեթ։ Դրանք փողով ծախում են իրենց հայրենիքը։ Սրանք հատուկ թուրքական գործակալներ են, որոնք ուզում են, որ Հայաստանը դառնա թուրքական վիլայեթ։  Էստեղ լինելու են կա՛մ ռուսները, կա՛մ թուրքերը։ Եթե սրանք ուզում են քրիստոնյաներին էստեղից հանել և բերել մուսուլմանների լուսինը, սրանց ես ի՞նչ ասեմ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝