Ինչ վարկածներ են շրջանառվում եղբայրների ինքնասպանության գործով

Աբովյանի Հատիսի փողոցում գտնվող արագ սննդի կետում 2 քաղաքացու են գտել կախված վիճակում. Shamshyan.com-ի տեղեկություններով՝ մահացածները հարազատ եղբայրներ են։

Պարեկները սահմանազատել են տարածքը, իսկ ՆԳՆ փրկարար ծառայության աշխատակիցներն ու փրկարարները բացել սննդի կետի դուռը։

Դեպքի վայր է ժամանել նաև Աբովյան խոշորացված համայնքի ղեկավար Էդուարդ Բաբայանը։
Լրատվականների տեղեկություններով՝ եղբայրներից մեկը մորն ուղղված նամակ է թողել, իսկ ոստիկաններին հորդորել պաշտպանել 3 երեխաներին։ «Մամ ջան, կներես ինձ, ոչ մի բան չխոստանաս որևէ մեկի։ Մեղավորը ես եմ, ես սիրում եմ ձեզ, բայց չստացվեց, ապրի քո համար։ Նարեիս լավ կպահես։ Նարե ջան, կներես ինձ։ Խնդրում եմ ոստիկաններին՝ հետևողական լինեն, չվնասեն իմ 3 հրաշքներին։ Ես եմ մեղավոր, ոչ իրանք, իրանք բան չգիտեն, ու մարդիկ չար են»,-գրված է եղել նամակում։

Նշանակվել են ինչպես դիակի, այնպես էլ ձեռագրաբանական փորձաքննություն։ Իրավապահները փորձում են պարզել՝ նամակը եղբայրներն են գրել, թե ոչ։

Իսկ մինչ այդ եղբայրների առեղծվածային կախվելու փաստը տարբեր վարկածներ առաջ քաշելու տեղիք է տվել աբովյանցիների մոտ:  Տեղացիների շրջանում շրջանառվող լուրերի համաձայն տղաները ինչ-ինչ ֆիննանսական խնդիրներ են ունեցել, ու հայտնվելով անելանելի վիճակում նման քայլի են գնացել: Մեկ այլ վարկածով վերջիններս ինչ-որ սեկտայի հետեւորդ են եղել:

Թե իրականում ինչն էր պատճառը կպարզի քննությունը, բայց այն, որ վերը նշվածը ունի բազմաթիվ հարցականներ եւ առեղծվածային դրվագներ այլեւս փաստ է:
 
 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝