Այսօր դարձար 33 տարեկան, շնորհավոր ծնունդ բալես. Զոհված հերոսի հայր

44 օրյա պատերազմում հերոսավար զոհված, մայոր Արթուր Ալավերդյանի հայրը` Արարատ Ալավերդյանը գրում է.

Արթուրս այսօր դարձար 33 տարեկան, շնորհավոր ծնունդ բալես, կատարած սխրանքներիտ մասին արդեն լեգենդներ են գրվում, կանգնած շիրիմիտ մոտ սիրտս քարացել է, արցունքներս խեղդում են, ներիր ինձ Արթուրս, փառք քեզ, փառք մեր բոլոր հերոս տղերքին։

Կենսագրական.

Արթուր Արարատի Ալավերդյանը, ծնվել է 1992թ․, Տավուշի մարզի Բաղանիս գյուղում։ Ավարտել է թ․ 59 միջնակարգ դպրոցը, այնուհետև ընդունվել է Վազգեն Սարգսյանի անվան ռազմական ինստիտուտ, ավարտելուց հետո անցել է աշխատանքի զորամասում, մասնակցել է Ապրիլյան պատերազմին, իսկ 44-օրյա պատերազմը Արթուրի համար դարձել է ճակատագրական, զոհվել է հոկտեմբերի 22-ին, դիպուկահարի կրակոցից։Մայոր Արթուր Ալավերդյանը հետմահու պարգևատրվել է ՄԱՐՏԱԿԱՆ ԾԱՌԱՅՈՒԹՅՈՒՆ և ԱՐԻՈՒԹՅԱՆ ՀԱՄԱՐ մեդալներով։ ՄԱՐՏԱԿԱՆ ՈՒՂԻ ՄԱՅՈՐ ԱՐԹՈՒՐ ԱՐԱՐԱՏԻ ԱԼԱՎԵՐԴՅԱՆՊԲ 59703 զորամասի 2 ՀԳՄ ԱՄ հրամանատար։  Մայոր Արթուր Արարատի Ալավերդյանը ծառայության ընթացքում իրեն դրսևորել է միայն դրական կողմերով, օժտված էր կազմակերպչական բարձր հատկանիշներով: Սեպտեմբերի 27-ից հոկտեմբերի 22-ը ակտիվ մասնակցել է մարտական գործողություններին: 2020 թվականի սեպտեմբերի 27-ին, հանդիսանալով 2 ՀԳՄ ԱՄ հրամանատար, ակտիվ մասնակցել է մարտական գործողութ-յուններին, իր իսկ ստորաբաժանման ուժերով ոչնչացրել է հակա-ռակորդի կենդանի ուժ և զրահատեխնիկա 200 հդկ-ի շրջանում, ապա՝ Նյուզգար տանկային ԿՇ կրակային դիրքերում։ 120մմ-անոց ականանետի համար տվել է ճշգրիտ նշանակետեր՝ խոցելով տասնյակ տեխնիկաներ: Գումարտակի անձնակազմի հետ 2020 թվականի հոկտեմբերի 3-ի լուսադեմին, ընկնելով հակառակորդի ծուղակը, Նարինջ ՀԿ-ում կարողացել է խելացիորեն գործել և դուրս բերել անձնակազմին՝ փրկելով շատերի կյանքը։ Ապա նշանակվել է ՀԳՄ հրամանատարի տեղակալ-շտաբի պետ: Նա կառավարել է գումարտակը հմուտ և կարողացել է խոչընդոտել հակառակորդի առաջխաղացմանը:

Հոկտեմբերի 22-ին Ֆիզուլիի շրջանում հակառակորդի դիպուկահարի կրակոցից զոհվել է: Մայոր Արթուր Արարատի Ալավերդյանը եղել է քաջ և ուժեղ կամքի տեր անձնավորություն, եղել է սիրված և հարգված՝ հրամանատարության ծառայակիցների կողմից: Ունեցել է բարոյահոգեբանական կայուն վարքագիծ: ՊԲ 59703 զորամասի 2 ՀԳՄ հրամանատար կապիտան՝ Ա. Հովհաննիսյան ՊԲ 59703 զորամասի հրամանատար փոխգնդապետ՝ Դ. Ավանեսյան

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝