Վանգային վերագրվող կանխատեսումը 2025թ.-ի մասին կիրականանա՞

Բուլղարացի գուշակ Վանգային վերագրվող կանխատեսումներից մեկն մեկն այն է, որ մարդիկ 2025 թվականին կապի մեջ կմտնեն այլմոլորակայինների հետ։

Եվ ահա, վերջին տվյալներով, միջաստղային օբյեկտ է ուղևորվում դեպի Մարս, եւ կմոտենա մոլորակին հոկտեմբերի 3-ին:

Երկրաբնակների կողմից 3I/ATLAS անվանված օբյեկտը հայտնաբերվել է հուլիսի սկզբին։ Դրա հսկայական արագությունը (վայրկյանում 60 կիլոմետր) ցույց է տալիս, որ այն եկել է Արեգակնային համակարգից դուրս։ Մասնավորապես՝ Աղեղնավոր համաստեղությունից։ Հենց այնտեղից՝ Աղեղնավորից, երկրաբնակները 1977 թվականին ստացել են մինչ օրս միակ «բանական» ռադիոազդանշանը (այսպես կոչված «OGO ազդանշանը»։ Զարմանալի չէ, որ նրանք շարունակում են կասկածել, որ 3I/ATLAS-ը կարող է տիեզերանավ լինել։

3I/ATLAS-ի արհեստական ​​բնույթին հավատացողների ճամբարը գլխավորում էր Հարվարդի աստղագետ Ավի Լոեբը։ Ըստ նոր գնահատման, եթե օբյեկտը բանական է, այն կփորձի որոշակի օգուտ ստանալ Մարսին մոտենալիս. կօգտագործի մոլորակի գրավիտացիան, փոքր հետախուզական նավ կարձակի, ինքը կուղևորվի դեպի Մարս եւ նման այլ տարբերակ։

Այս պահին ռեալ փաստն այն է, որ աստղադիտակներից կատարված դիտարկումներն արձանագրել են, որ 3I/ATLAS-ը լի է անոմալիաներով։ Դա է հիմք դարձել նրա արհեստական ծագման թեզի համար, թեեւ նույնքան հավանական է, որ օբյեկտը միջաստղային գիսաստղ է, իսկ անոմալիաները բնական երեւույթներ են, որոնք նախկինում չեն արձանագրվել։

Եվ այսպես` տիեզերական մարմի՞ն, թե` միջաստղային արհեստական օբյեկտ, ինչի մասին կանխատեսել է Վանգան. մեկ ամսից պարզ կդառնա:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝