Մ՛ի արեք, ժողովուրդը զզվել է Ձեր հանրահավաքներից․ ԱԺ պատգամավոր Հակոբ Ասլանյան

Սեպտեմբերի 2-ի հանրահավաքը ապացուցեց, որ ընդդիմադիրները ճիշտ ճանապարհով չեն գնում, երբ մենք ասում էինք, որ պետք չեն հանրահավաքները, դրանով էլ ավելի եք ամրացնում Փաշինյանի դիրքերը, մի արեք, ժողովուրդը զզվել է Ձեր հանրահավաքներից եւ փողոցային  պայքարով գնալ իշխանափոխության, առավելեւս, որ ընտրություններին մնացել է ընդամենը 7-8 ամիս։ Սեպտեմբերի 2-ի հանրահավաքը ամբողջությամբ ծառայեց Փաշինյանի դիրքերի ամրապնդմանը ոչ թե նրա դեմ պայքարին,-անդրադառնալով սեպտեմբերի 2-ին կայացած հանրահավաքի արդյունքներին եւ ընդդիմության առաջիկա անելիքներին, ասաց ԱԺ պատգամավոր Հակոբ Ասլանյանը։

-Այսօր վարչապետի մամուլի խոսնակ Նազելի Բաղդասարյանը հայտարարեց, որ  Վաշինգտոնում խաղաղության հաստատումից հետո վարչապետի օդանավը օգոստոսի 30-ին Ադրբեջանի օդային տարածքով է մեկնել արտերկրյա այցի եւ սեպտեմբերի լույս 6-ի գիշեր վերադարձել Հայաստան։

-Այդ ինչ աշխարհացունց բան էր, որ էդ աստիճան հրճվել են, դա միջազգային իրավունք է, երբ երկրները ստորագրում են, որ օդային տարածքները պետք է տրամադրվի, եթե, իհարկե, այդ երկրները պատերազմական վիճակի մեջ չեն գտվում։ Իսկ հիմա, այսպես ասած, հրադադար է։ Այնպես որ դա ներկայացնել, որպես դրական, նոր  ի բան առնվազն ժողովրդին նոր ստի չափաբաժնով կերակրել է, ոչինչ ավելին։

-Ասում են դա խաղաղության օրակարգի վառ վկայությունն է։

-Ի՞նչ եք խոսում, սա ժողովրդին հերթական կեղծիք հրամցնել է, ոչինչ ավելին։ Իսկ ինչ վերաբերում է Թրամփի միջանցքին, ապա մենք վերջապես պետք է հասկանանք, որ Թրամփի նպատակը ոչ թե խաղաղություն հաստատելն է, այլ հասնել նրան, որ ի վերջո Խաղաության Նոբելյան մրցանակ ստանա, նա այլ նպատակ չի հետապնդում։ Թրամփը անգամ Հայաստանի տեղը կարգին չգիտի ինչ խաղաղության մասին է խոսքը։

Ես Ձեզ մի բան հիշեցնեմ հարգելի հայրենակիցներ, երբ 1920 թվականի օգոստոսին կնքվում էր Սեւրի պայմանագիրը՝ Ավետիս Ահարոնյանը դուրս եկավ եւ ասաց, որ սա այն գրիչն է, որով 100 տարվա խաղաղություն հաստատվեց։  Իսկ ինչ եղավ հետո, հիշո՞ւմ եք ինչքան կարճ ժամանակ անցավ, երբ կրկին Թուրքիան հարձակվեց։ Ուրեմն էլ ինչ խաղության մասին կարող ենք խոսել առավելեւս այսօր։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝